Reunionnan Di Sirbishi Pa Januari
Siman di 1 di Januari
Cantica 133
7 min: Anuncionan local. Anuncionan selectá for di Nos Ministerio di Reino.
13 min: “Predicá cu Perspicacia.” Considerá puntonan principal, i presentá un of dos demostracion.
25 min: Congreso di Districto 1996 di Testigonan di Jehova ‘Mensaheronan di Pas Divino.’ Promé recordá e congregacion dje fechanan di congreso manera a ser duná den e carta di 6 di september, 1995. Anto animá e rumannan pa haci sigur cu nan ta haci nan areglonan di congreso hopi tempu di antemano. Esaki ta enbolbé acercá bo doño di trabou pa haci un nota riba calender dje aña aki na ki tempu lo bo no t’ei pa por asistí na e congreso di districto. Si lo ta difícil pa e planea esaki, e ora ei haci e congreso un parti di bo tempu di vacansi, planeando esaki sea na comienso of na fin di bo tempu di vacansi di manera cu lo bo no perde nada dje congreso. Esaki lo cuminsá diabierne mainta 9:30 a.m. i terminá diadomingo atardi aproximadamente 4:00 p.m. Ademas e rumannan ta ser animá pa tur luna pone algu un banda di manera cu durante e congreso nos lo por haci un contribucion. Amorosamente incluí den bo plannan esnan cu tal bes tin mester di yudansa, specialmente esnan recien interesá, di manera cu nan tambe por ta presente na tur sesion. E parti aki lo ta na encargo dje superintendente presidente.
Cantica 28 i oracion di conclusion.
Siman di 8 di Januari
Cantica 138
10 min: Anuncionan local. Informe di cuenta. Duna encomendacion apropiado pa apoyo financiero dje obra local i mundial pa logra cu e bon nobo ta ser predicá.
15 min: E Balor Protectivo di e Karchi di Instruccion/Exoneracion Médico Delantá. Anciano ta considerá huntu cu e congregacion e importancia pa cada persona yena corectamente e Karchi di Instruccion/Exoneracion Médico Delantá i di tin’e huntu cuné na tur momento i e necesidad pa muchanan tin e Karchi di Identidad semper huntu cu nan. Manera e título dje karchi ta sugerí, e ta percurá notificacion delantá di loke bo kier (of no kier) relacioná cu cuido médico. Pakico esaki ta ser hací tur aña? Un karchi recien ta mas persuasivo cu un karchi cu kisas por ser considerá di ta bieu of cu no ta reflehá mas e persona su conviccionnan. E documento ta papia pa bo si bo no por papia pa bo mes. Karchinan lo ser partí awe nochi. Mester yena nan cuidadosamente na cas, pero no mester firma nan. Manera a ser hací pa e último dos añanan, e firmamentu dilanti dos testigo lo ser hací na e sitionan di Studio di Buki di Congregacion, bou di supervision dje conductornan di studio di buki. Esnan cu ta firma como testigo mester realmente mira e doño dje karchi firma e documento. Esaki lo ser hací despues di studio di buki durante e siman di 15 di januari. (Mira página 2 di Nos Ministerio di Reino di januari 1994 pa detayenan dje procedura. Mira tambe carta di 15 di october, 1991.) Tur publicador bautisá por yena e karchi di Instruccion/ Exoneracion Médico Delantá. Publicadornan no-bautisá, dor di adaptá e palabranan dje karchi aki na nan mes circunstancianan i conviccionnan, tal bes ta deseá na skirbi nan mes instruccion. Mayornan por yuda nan yunan no-bautisá yena e Karchi di Identidad.
20 min: “Sea Hacidornan—No Djis Tendedornan.” Pregunta i contesta. Segun tempu ta permití, considerá e importancia di obedencia, basá riba e buki Perspicacia, Volúmen 2, página 513, §4, 5 [na ingles, Volúmen 2, pág. 521, §1 i 2].
Cantica 70 i oracion di conclusion.
Siman di 15 di Januari
Cantica 77
12 min: Anuncionan local. Brevemente considerá e creciente problema di e no-na-casnan. Animá publicadornan pa haci bon uso dje tempu dor di tuma e iniciativa di acercá hende cu tal bes ta pasando forbij, ta parando cantu di caminda of ta sintá den auto.
15 min: Necesidadnan local. (Of “Vigilá Bo Sentido di Urgencia,” un discurso basá riba Toren di Vigilancia di 1 di october, 1995, página 25-8.)
18 min: “Bolbe Bek pa Salba Algun Hende.” Repasá presentacionnan sugerí. Recomendá e meta di cuminsá studionan den e buki nobo, Conocimentu cu Ta Hiba na Bida Eterno.
Cantica 156 i oracion di conclusion.
Siman di 22 di Januari
Cantica 200
5 min: Anuncionan local.
20 min: “Beneficiá dje Scol di Ministerio Teocrático pa 1996—Parti 1.” Discurso na encargo dje superintendente di scol. Repasá e instruccionnan duná pa partinan di studiante den e instruccionnan pa Scol di Ministerio Teocrático, cu a aparecé den Nos Ministerio di Reino di october, 1995.
20 min: “Papia cu Curashi.” Discurso i consideracion na encargo di un anciano. Repasá areglonan local pa sirbishi riba diadomingo. Duna encomendacion pa bon apoyo i ofrecé sugerencianan caminda mester mehorá.
Cantica 92 i oracion di conclusion.
Siman di 29 di Januari
Cantica 31
10 min: Anuncionan local.
15 min: Superintendente di sirbishi ta duna un resúmen breve di e tema “Evangelisador” for dje buki Perspicacia página 886-7 [na ingles, página 770-1]. Entrevistá algun dje pioneronan auxiliar di aña pasá. Puntra nan tocante nan plannan p’e aña aki. Ki clase di ahustenan nan a haci pa por traha como pionero auxiliar un of dos luna pa aña of den algun caso asta riba un base regular. Trece padilanti e goso cu ta resultá di sirbi como un pionero auxiliar. Considerá algun sugerencia práctico pa logra alcansá un meta asina.
20 min: Ofrecé e Buki Revelacion Su Culminacion Durante Februari. Splica pakico e buki di Revelacion pa hopi tempu a ser considerá un misterio cu ta fuera di nos comprendimentu. Repasá §6 pa 9 na página 8, mustrando pakico e buki aki ta necesario. Animá publicadornan pa tene e pensamentunan aki na mente di manera cu nan lo tin un base pa puntonan di combersacion den sirbishi. Referí na “Estructura dje Buki di Revelacion” na página 98-9, i mustra con esaki por ser usá pa duna un bistaso general dje buki di Revelacion. Dirigí atencion na e plachinan sumamente yamativo parti paden dje kaft dilanti i patras i con nan por ser usá pa cuminsá un combersacion. Recordá tur presente pa busca copianan pa usa den sirbishi e fin di siman aki.
Cantica 143 i oracion di conclusion.