Anuncionan

◼ Literatura pa ofrecé durante januari: Felicidad​—⁠con pa hayé; Logrando felicidad den bida di famía of E Bijbel​—⁠e Palabra di Dios of e palabra di hende? Februari: Sea Logrando felicidad den bida di famía of Revelacion​—⁠su gran culminacion ta cerca! Mart: Conocimentu cu Ta Hiba na Bida Eterno. April: Copianan individual di tantu E Toren di Vigilancia como Spierta! Pa teritorionan cu ta ser abarcá frecuentemente, por ofrecé cualkier foyeto (cu excepcion dje foyetonan Educacion i Escuela) Sea alerto pa haci esfuersonan special pa ofrecé abonament na bo rebishitanan. NOTA: Congregacionnan cu ainda no a haci pedido pa e artículonan di campaña mencioná ariba mester haci esei riba nan siguiente Formulario di Pedido di Literatura Mensual (S-14).

◼ Congregacionnan mester haci areglonan cumbiniente pa celebrá e Memorial e aña aki riba diamars, 2 di april, despues cu solo baha. Aunke ta deseabel pa cada congregacion tene su mes celebracion di Memorial, esaki tal bes no ta semper posibel. Caminda normalmente un cantidad di congregacion ta usa e mésun Salon di Reino, kisas un of mas congregacion por haci uso di un otro lugá p’e anochi ei. E Memorial no mester cuminsá asina lat cu personanan recien interesá no ta haña ta cumbiniente pa asistí. Ademas, no mester tin un periodo di tempu asina corticu entre e reunionnan cu no tin tempu promé of despues dje celebracion pa cumindá bishitantenan, pa haci areglo cu algun di nan pa continuá cu yudansa spiritual, of pa tin un intercambio general di animacion entre tur presente. Despues di considerá tur factor cabalmente, e ancianonan mester dicidí cua areglonan lo resultá mihó pa esnan cu ta asistí n’e Memorial beneficiá plenamente dje ocasion.

◼ E discurso público special pa e temporada di Memorial 1996 lo ser duná riba diadomingo, 21 di april. E tema dje discurso lo ta “Permaneciendo Sin Culpa Meimei di un Generacion Trocí.” Lo percurá un boskeho. E congregacionnan cu tin e bishita dje superintendente di circuito, un asamblea di circuito, of un dia special di asamblea e fin di siman ei lo tin e discurso special e siguiente siman. Ningun congregacion mester tene e discurso special promé cu 21 di april.

◼ Cuminsando na februari, i no mas tardá cu 3 di mart, e discurso público nobo pa e superintendentenan di circuito lo ta “Un Congregacion Leal bou dje Liderato di Cristo.”

◼ Edicionnan mensual i simultáneo di E Toren di Vigilancia lo ser producí na idioma chitonga, isoko i luvale, cuminsando cu e edicion di 1 di januari, 1996.

◼ Videocasetnan Nobo Disponibel:

La Biblia: Historia exacta, profecía confiable ​—⁠Koreano