Reunionnan Di Sirbishi Pa Februari
Siman di 5 di Februari
Cantica 96
10 min: Anuncionan local. Anuncionan selectá for di Nos Ministerio di Reino. Noticianan Teocrático.
15 min: “Proclamando e Berdad Diariamente Imitando Jesus.” Pregunta i contesta. Lesa §5.
20 min: “Revelacion—Un Clave pa Berdadero Felicidad.” Considerá presentacionnan sugerí i tene un of dos demostracion. Recordá e publicadornan pa mencioná e contribucion regular pa nos literatura.
Cantica 14 i oracion di conclusion.
Siman di 12 di Februari
Cantica 191
10 min: Anuncionan local. Informe di cuenta. Anunciá cu tur ruman ta ser animá pa dedicá tempu extra den actividadnan di sirbishi di veld riba e último diasabra di februari.
13 min: “Prepará pa Actividad di Revista den April.” Resaltá e balor di E Toren di Vigilancia i Spierta! den haci e bon nobo conocí. Lesa e artículo di dos paragraf i describí loke e congregacion local lo haci pa april bira un luna special pa distribucion di revista.
22 min: “Con Mi Por Laga un Doño di Cas Scuchá Mi?” Pregunta i contesta. Laga dos publicador considerá con nan lo trata na demostrá mas calor di amistad ora nan ta papiando na porta cu e hendenan, usando algun dje sugerencianan duná den e buki Guía para la Escuela, Studio 33, §10-21.
Cantica 133 i oracion di conclusion.
Siman di 19 di Februari
Cantica 72
10 min: Anuncionan local.
15 min: “Beneficiá dje Scol di Ministerio Teocrático pa 1996—Parti 2.” Discurso na encargo dje superintendente di scol. Enfatisá e necesidad di lesa e Palabra di Dios diariamente.
20 min: “Yuda Esnan Interesá Comprendé.” Repasá e presentacionnan sugerí pa haci rebishita. Anciano ta considerá huntu cu dos of tres publicador rasgonan dje buki Revelacion su culminacion i e manera cu por resaltá esakinan. Demostrá un of dos presentacion. Ofrecé sugerencianan en cuanto con pa desaroyá interes te n’e punto cu por cuminsá un studio di Bijbel den e buki Conocimentu cu Ta Hiba na Bida Eterno.
Cantica 53 i oracion di conclusion.
Siman di 26 di Februari
Cantica 28
10 min: Anuncionan local.
15 min: Preparando Presentacionnan Atractivo. Superintendente di sirbishi of otro anciano ta considerá huntu cu dos of tres publicador e beneficionan di tin presentacionnan di cas-pa-cas cu ta contené algu cu ta interesá personanan den bo teritorio. Por ehempel, informenan di noticia local tocante esfuersonan actual pa mehorá e nivel di bida; e tendencia general di aumento den problemanan matrimonial, yunan delincuente of dificultad pa haña trabou; of puntonan di noticia cu ta mustra pakico hende ta birando mas i mas dudoso pa cu e solucionnan cu políticonan i clero ta ofrecé. Mencioná algun punto di noticia actual den bo comunidad i considerá con por usa nan pa cuminsá combersacionnan.
20 min: Ofreciendo e Buki Conocimentu cu Ta Hiba na Bida Eterno Durante Mart. Señalá algun dje rasgonan interesante dje buki cu por ser usá pa cuminsá combersacionnan. (1) Hala atencion na plachinan yamativo, manera esnan na página 4-5, 86, 124-5, 188-9. (2) Mustra con cada capítulo ta terminá cu un lista di preguntanan di repaso i splica con por usa esakinan como base pa presentacionnan. Lo por puntra e doño di cas si e lo kier sa e contestanan. Scoge algun pregunta entre esnan mencioná na página 11, 22, 61, 149. (3) Referí na e cuadro na página 102 i duna sugerencianan mustrando con lo por usa “Algun Rasgo dje Ultimo Dianan” pa stimulá interes. (4) Enfatisá con e buki ta specialmente diseñá pa conducí studionan progresivo. Capítulonan ta corticu, e informacion ta fácil pa comprendé, textonan poderoso ta ser citá i preguntanan penetrante ta enfocá riba puntonan clave. Insta tur publicador pa ofrecé e buki cu e meta pa cuminsá studionan.
Cantica 151 i oracion di conclusion.