Prepará pa Actividad di Revista den April

Manera nos por nota riba nos Calendario para 1996, lo celebrá e Cena di Señor e aña aki dia 2 di april. Stimulá dor di e ocasion importante aki, laga un i tur participá celosamente den e distribucion di revista atrabes di april. Ki revistanan oportuno nos lo ta usando! E Toren di Vigilancia pa 1 di april lo enfocá riba e discurso público dje congreso di districto di aña pasá, “Alabá e Rey di Eternidad!” E Toren di Vigilancia di 15 di april lo presentá e tema dje discurso público special di april aña pasá, “Fin di Religion Falsu Ta Cerca.” E discurso special dje aña aki dia 21 di april, “Permaneciendo Sin Culpa Meimei di un Generacion Trocí,” lo mester duna mayor estímulo na actividad di Reino. Nos lo presentá e ¡Despertad! di 22 di april riba e tópico “Ora Lo No Tin Guera Mas.”

Como un continuacion riba e campaña di Noticia di Reino di april aña pasá, luna di april binidero mester ta un luna sobresaliente pa distribucion di revista. Awor ta e tempu pa traha plan. Hopi publicador lo kier inscribí como pionero auxiliar. Segun ta necesario, mester haci pedido pa copianan extra dje revistanan di april. Por traha plan pa tin Dianan di Revista, cu mas tantu publicador cu ta posibel participando​—⁠mainta, merdia i/of atardi. Laga nos tur “bira hacidornan dje palabra.” Manera a ser profetisá tocante e Mesías na Salmo 69:​9, cu nos tambe lo por bisa: “Puru celo pa bo cas a devorá mi.”​—⁠Sant. 1:22; Juan 2:⁠17.