Reunionnan Di Sirbishi Pa April
Siman di 1 di April
Cantica 132
10 min: Anuncionan local. Anuncionan selectá for di Nos Ministerio di Reino. Mencioná cualkier informe sobresaliente relacioná cu boso celebracion di Memorial.
20 min: “Sea ‘Celoso pa Obranan Excelente’ Durante April!” Superintendente di sirbishi lo abarcá §1-10 mediante pregunta-i-contesta. Splica (1) kico a ser planeá localmente pa actividad di sirbishi di veld mas extenso durante april, (2) con por yuda tur publicador pa participá, i (3) con por incluí esnan nobo i mas hóben.
15 min: “Busca Esnan cu Ta Corectamente Dispuesto.” Repasá presentacionnan sugerí, i despues tene dos demostracion mustrando con por usa nan. Segun tempu permití, relatá algun dje sugerencianan pa ofrecé revista, hañá den Nos Ministerio di Reino di september 1995, página 5. Incluí un recordatorio pa mencioná cu nos ta aceptá contribucion.
Cantica 20 i oracion di conclusion.
Siman di 8 di April
Cantica 72
15 min: Anuncionan local. Informe di cuenta; mencioná confirmacionnan di donacion cu a ricibí di Sociedad. Considerá maneranan práctico cu nos por yuda esnan nobo cu a asistí na e Memorial pa haci mas progreso spiritual. Repasá La Atalaya di 1 di april, 1991, página 9-12.
15 min: “Rindi Sirbishi Sagrado di Dia i Anochi.” Pregunta i contesta. Lesa §5 i 6.
15 min: “Sea ‘Celoso pa Obranan Excelente’ Durante April!” Abarcá §11-15 mediante pregunta-i-contesta. Animá tur ruman pa analisá nan circunstancianan personal i busca maneranan pa aumentá nan apoyo n’e ministerio di veld.
Cantica 113 i oracion di conclusion.
Siman di 15 di April
Cantica 133
10 min: Anuncionan local. Recordá e auditorio dje discurso público special dia 21 di april, titulá “Permaneciendo Sin Culpa Meimei di un Generacion Trocí.” Animá e rumannan pa haci un esfuerso extra pa yuda tur hende asistí.
15 min: “Tempu A Cambia.” Pregunta i contesta. Enfatisá cu mester presentá e mensahe di Reino den un manera cu ta satisfacé e necesidadnan mas urgente dje hendenan. Sugerí algun cuestion social i di famia cu ta riba mente di hopi hende, manera ta ser mencioná den e Toren di Vigilancia di 1 di januari, 1994, página 22-3.
20 min: “Fe Ta Sigui Loke A Ser Tendí.” Considerá con por usa lagamentu di revista pa cultivá interes cu por hiba na studionan di Bijbel for dje buki Conocimentu. Presentá dos of tres demostracion.
Cantica 204 i oracion di conclusion.
Siman di 22 di April
Cantica 6
15 min: Anuncionan local. Repasá puntonan sobresaliente dje discurso special cu a ser duná e fin di siman cu a pasa. Considerá con e amonestacion aki mester motivá esnan interesá pa tuma un posicion firme na banda di adoracion berdadero. Tambe, hala atencion na e cuadro “Sigui Aumentá den Conocimentu Exacto,” i enfatisá e importancia di asistí na Studio di Buki di Congregacion regularmente.
12 min: Caha di Pregunta. Un discurso na encargo di un anciano. Splica pakico rumannan cu ta conducí un reunion mester evitá di ta indebidamente familiar dor di yama personanan, usando solamente nan promé nomber.
18 min: Consideracion entre un anciano i un sirbidor ministerial dje artículo “Famianan Piadoso di Pasado—Un Modelo pa Nos Tempu,” hañá na página 20-3 dje edicion di 15 di september, 1995, di E Toren di Vigilancia. Haci aplicacion práctico pa beneficiá famianan localmente.
Cantica 143 i oracion di conclusion.
Siman di 29 di April
Cantica 144
12 min: Anuncionan local. Algun hende ta describí Testigonan di Jehova como un “secta” of “culto,” engañando otronan tocante nos actividadnan i metanan. Usando e buki Razonamiento, página 383 [na ingles pág. 202], splica brevemente con pa refutá e acusacion aki.
15 min: Dunando Atencion Igual na Henter Nos Teritorio. Discurso na encargo di superintendente di sirbishi. Areanan leu of plamá kisas rara bes ta ser trahá. Algun publicador a propósito ta evitá di traha localidadnan caminda hende ricu of fuertemente religioso ta biba. Teritorionan di negoshi tal bes ta ser neglishá. Algun publicador tal bes ta pidi regularmente teritorionan cu nan mes personalmente ta preferá en bes di esnan cu mester ser cubrí actualmente. Animá tur ruman pa cooperá cu e esfuersonan pa cubri teritorio no-trahá. E lunanan di vacansi grandi generalmente ta percurá un bon oportunidad pa traha áreanan leu den cunucu; kisas por organisá gruponan di auto. Haci sigur cu e teritorio ta ser cubrí cabalmente, incluyendo e ‘no-na-casnan,’ promé cu debolb’é. Ofrecé otro sugerencianan práctico mustrando con tur ruman por yuda pa cubri e teritorio den e mihó manera.
18 min: Ofrecé E Toren di Vigilancia i Spierta! Durante Mei. Destacá copianan individual. Den teritorio cu ta ser cubrí frecuentemente, ofrecé cualkier foyeto apropiado. Mantené un registro di tur adres caminda bo a laga literatura, cu e meta di establecé un ruta di revista. Tene e meta di ofrecé abonament. Enfatisá e beneficionan di largu alcanse di distribucion di revista como un dje medionan mas eficas di hiba e mensahe di Reino na hendenan. Haci sigur cu nos tin un suministro di revista ora nos ta bai den sirbishi; ofrecé nan na tur oportunidad. Areglonan personal pa un Dia di Revista semanal ta un manera productivo pa aumentá lagamentu di revista. Trabou di negoshi-pa-negoshi i testificacion den caya cu e revistanan tambe ta productivo. Rebishitá esnan cu a mustra interes cu e meta pa cuminsá studionan, usando e buki Conocimentu. Tene un of dos demostracion breve ofreciendo e edicionnan actual, kisas usando un di e presentacionnan hañá den Nos Ministerio di Reino di september 1995, página 3, §3-5; lesa §6.
Cantica 195 i oracion di conclusion.