Reunionnan Di Sirbishi Pa April

Siman di 7 di April

Cantica 100

12 min: Anuncionan local. Anuncionan selectá for di Nos Ministerio di Reino. Mencioná puntonan di combersacion den revistanan actual.

15 min: “Multitudnan Ta Ser Agregá.” Pregunta i contesta. Repasá sugerencianan clave abarcá den E Toren di Vigilancia di 15 di augustus, 1993, página 12-17.

18 min: “Yuda Esnan Inexperenciá Comprendé.” Pregunta i contesta. Repasá rasgonan dje foyeto Rekerí: método di studio simpel, preguntanan oportuno, plachinan atractivo, abundante referencianan bíblico. Enfatisá e meta di cuminsá studionan cu lo hiba cu tempu n’e buki Conocimentu. Laga un publicador capas demostrá con pa cuminsá un studio usando e método describí den §4. Animá tur mayor den e congregacion pa studia e foyeto cu nan yunan chikitu.

Cantica 130 i oracion di conclusion.

Siman di 14 di April

Cantica 107

10 min: Anuncionan local. Informe di cuenta. Segun tempu permití, relatá brevemente experencianan local di den veld tocante con a laga e foyeto Rekerí of con a cuminsá studionan di Bijbel cuné.

15 min: “Dirigiendo Studiantenan n’e Organisacion Tras di Nos Nomber.” (§1-6) Pregunta i contesta. Lesa §5-6 i e textonan bíblico mencioná. Relatá experencianan local tocante e reaccion di studiantenan di Bijbel ora nan mira e video Los testigos de Jehová... La organización tras el nombre.

20 min: “Siña Otronan Loke Dios Ta Rekerí.” Consideracion cu auditorio di §1-4. Tene demostracion dje presentacionnan den §5, usando cuater marco di circunstancia diferente—riba caya, na un cas, den un lugá di negoshi i na un parke. Recordá tur ruman pa pasa busca foyeto i revista pa sirbishi di veld promé cu nan bandoná Salon Reino awenochi.

Cantica 126 i oracion di conclusion.

Siman di 21 di April

Cantica 113

15 min: Anuncionan local. Splica cu no ta demasiado lat pa entregá un solicitud pa traha pionero auxiliar na mei. Repasá e Caha di Pregunta, i laga e congregacion sa si tin mester di cierto bukinan pa completá e biblioteca den e Salon di Reino.

15 min: “Dirigiendo Studiantenan n’e Organisacion Tras di Nos Nomber.” (§7-14) Pregunta i contesta. Laga un maestro capas demostrá con pa tin un consideracion franco i bondadoso cu un studiante tocante e necesidad pa asistí n’e reunionnan.

15 min: Haciendo Pleno Uso di Nos Literatura. Discurso na encargo di un anciano. (Mira Nos Ministerio di Reino di september 1995, página 3-5.) Hacié un custumber pa ofrecé revista na tur esnan cu nos tuma contacto cuné. Haci uso dje edicionnan mas bieu. Participá den traha cu revista regularmente. Tene na mente cu nos tin cu mencioná e contribucion.

Cantica 128 i oracion di conclusion.

Siman di 28 di April

Cantica 121

15 min: Anuncionan local. Recordá tur ruman pa entregá nan raport di sirbishi di veld pa april. Anunciá nomber di esnan cu lo traha pionero auxiliar na mei. Describí e areglonan adicional cu ta ser hací localmente pa reunionnan pa sirbishi. Durante mei mester haci un esfuerso special pa bai bek caminda a laga foyeto cu e meta di cuminsá studionan. Brevemente sugerí maneranan cu nos por pidi cu tacto e nomber i adres di hendenan cu nos duna testimonio informalmente. Lo bo por duna bo nomber i adres promé i puntra si tin un number di telefon caminda bo por haña nan. Invitá auditorio pa ofrecé sugerencianan cu a resultá eficas pa nan.

15 min: “Pakico Nan Ta Hacié?” Un anciano ta considerá e artículo cu dos of tres pionero regular. (Si no tin disponibel, usa esnan cu sa inscribí nan mes cu frecuencia como pionero auxiliar.) Incluí puntonan sobresaliente for dje artículo “Pioneronan Ta Duna i Ricibí Bendicion,” den E Toren di Vigilancia di 15 di januari, 1994. Laga cada un di nan splica pakico el a drenta e sirbishi di pionero. Pidi nan relatá experencianan cu ta mustra con nan a ser bendicioná dor di haci esei.

15 min: Necesidadnan local. Ancianonan lo por usa e tempu aki pa presentá informacion relacioná cu necesidadnan local specífico.

Cantica 129 i oracion di conclusion.