Reunionnan Di Sirbishi Pa Juni

Siman di 2 di Juni

Cantica 181

8 min: Anuncionan local. Anuncionan selectá for di Nos Ministerio di Reino. Comentá riba e raport di sirbishi di veld di februari dje tres islanan i dje congregacion local.

15 min: “Haci Boso Sumo Posibel.” Pregunta i contesta.—Mira tambe La Atalaya di 15 di april, 1993, página 28-30.

22 min: “Conocimentu for di Dios Ta Contestá Hopi Pregunta.” Ruman encargá cu e parti ta considerá e artículo cu dos of tres publicadó, incluyendo un hóben. Comentá riba §1, enfatisando pakico e buki Conocimentu ta asina eficas den yuda nos contestá preguntanan. Demostrá un sesion di práctica, i despues di cada presentacion sugerí con pa mehor’é.

Cantica 200 i oracion di conclusion.

Siman di 9 di Juni

Cantica 189

10 min: Anuncionan local. Informe di cuenta.

15 min: Recordatorionan di Temporada di Vacansi. Discurso i consideracion cu auditorio. Mayoria di nos ta planea extra actividad durante lunanan di juli cu augustus, i esakinan por incluí bai cu vacansi, bishitá famianan of disfrutá di recreo. Con nos por organisá nos asuntunan di manera cu actividadnan teocrático no ta ser neglishá? Considerá lo siguiente: (1) Asistí na tur e tres dianan dje congreso di distrito. (2) Keda asistí regularmente n’e reunionnan, sea ta na cas of den exterior. (3) Haci areglo pa tin un participacion regular den e ministerio, i si ta den exterior, manda raportnan di sirbishi di veld p’e congregacion. (4) Bai cu un cierto cantidad di literatura pa testificacion informal ora di biaha. (5) Haci mas testificacion parti anochi ya cu ta bira scur mas lat. (6) Inscribí como pionero auxiliar pa juli i/of augustus. (7) Ancianonan tin cu mantené actividadnan di congregacion bon organisá i haci sigur cu cada un su debernan asigná ta ser percurá p’e ora e ta ausente.

20 min: Siña Otronan—Un Necesidad Urgente. Discurso na encargo di un anciano. Repasá e raport di sirbishi mundial di 1996 na página 33 dje Anuario 1997. E esfuerso intensificá pa duna testimonio na hende unda cu por haña nan ta dunando resultado. E necesidad urgente awor ta pa haci rebishita caminda a laga literatura i siña hende e berdad. Ora nos haña contacto cu nan den lugánan público, pidi nan nomber i adres cu tacto, di manera cu por haci un rebishita. Nos tin cu haci mas cu djis planta simia di Reino; nos tin cu muh’é tambe. (1 Cor. 3:6-8) Ora sembra simia den tera excelente, siñamentu eficas por yuda e persona capta e sentido di dje. (Mat. 13:23) Nos tin cu participá mas plenamente i ábilmente posibel den e trabou di siña otronan. (Heb. 5:12a) Incorporá puntonan sacá for dje suplemento di Nos Ministerio di Reino di juni 1996, §25-6. Enfatisá cu nos mester haci esfuerso pa cuminsá studionan den sea e foyeto Rekerí of e buki Conocimentu.

Cantica 204 i oracion di conclusion.

Siman di 16 di Juni

Cantica 192

10 min: Anuncionan local. Sugerí puntonan di combersacion den revistanan actual.

15 min: Necesidadnan local.

20 min: Identificando Bo Religion Como Berdadero of Falsu. Un anciano ta dirigí un consideracion cu dos of tres publicadó capas, basá riba e ¡Despertad! di 22 di december, 1989, página 18. Hopi hende aparentemente sincero ta ser bishitá bes tras bes. Sin embargo, nunca nan a aceptá un studio di Bijbel. Considerá con lo por usa e puntonan den e artículo aki di ¡Despertad! pa haci nan conciente dje necesidad pa actua na armonia cu conocimentu exacto. Referí na puntonan clave den e buki Conocimentu, capítulo 5: “Ken Su Adoracion Dios Ta Aceptá?” Lesa §20. Por haci rebishita cerca personanan asina pa animá nan bondadosamente i cu tacto pa aceptá un studio i asistí n’e reunionnan.

Cantica 201 i oracion di conclusion.

Siman di 23 di Juni

Cantica 193

10 min: Anuncionan local. Anunciá areglonan special pa sirbishi di veld dia 2 di juli.

15 min: Kico Nan Ta Bisando di Nos? Un discurso basá riba e informacion hañá den Watch Tower Publications Index 1986-1995, página 341-3. Selectá “Declaracionnan di Otronan” [“Statements by Others”] cu ta sobresaliente tocante Testigonan di Jehova—nos conducta i nos trabou. Mustra con otro hende a keda bon impresioná dor di loke nan ta mira den nos. Splica pakico esaki mester motivá nos pa semper comportá nos corectamente i pa perseverá den nos trabou. Mustra con pa usa comentarionan faborabel asina ora nos ta papia cu conocínan i personanan interesá cu kier sa mas tocante nos.

20 min: “Mayornan—Entrená Boso Yunan pa Predicá.” Pregunta i contesta. Incluí e instruccion for dje buki Nos Ministerio, página 99-100, bou dje subtema “Yudando e Hóbennan.”

Cantica 211 i oracion di conclusion.

Siman di 30 di Juni

Cantica 197

10 min: Anuncionan local. Recordá tur ruman pa entregá nan raport di sirbishi di veld di juni.

20 min: “Hóbennan—Ki Metanan Spiritual Boso Tin?” Dos tata ta considerá e artículo huntu. Nan ta considerá con pa yuda nan yunan apreciá pakico ta esencial pa fiha metanan teocrático, locual lo trece bendicionnan spiritual, mas bien cu sigui tras di interesnan materialista.—Mira tambe e buki Nos Ministerio, página 116-18.

15 min: Preparando pa Oferta di Literatura pa Juli. Scoge un of dos foyeto cu a lanta interes den e teritorio local, i repasá algun dje puntonan sobresaliente di cada un. Sugerí maneranan cu lo por incorporá esakinan den un presentacion. Recordá tur ruman pa mencioná e contribucion, pa tene un registro di literatura cu laga i pa bolbe bek i cultivá e interes.

Cantica 109 i oracion di conclusion.