Reunionnan Di Sirbishi Pa September
Siman di 7 di September
Cantica 28
10 min: Anuncionan local. Anuncionan selectá for di Nos Ministerio di Reino. Repasá e cuadro “Un Sugerencia.”
15 min: “Nos Por Haci Obranan Mas Grandi.” Pregunta i contesta. Animá tur pa fiha metanan razonabel p’e aña nobo di sirbishi i pa traha duru pa alcansá nan.—Mira Nos Ministerio, página 116-18.
20 min: “Pioneronan Ta Yuda Otro Publicadónan.” Un anciano ta splica cu ademas dje entrenamentu cu e Scol di Ministerio Teocrático ta percurá, areglonan a ser hací pa yuda otronan personalmente den e ministerio. E ta haci preguntanan basá riba e artículo i ta invitá e auditorio pa duna comentario, foral di pionero i publicadónan cu tabata enbolbí den e programa. Considerá con pa haña e mihó resultadonan for di dje. Pioneronan lo por conta con nan a disfrutá i beneficiá for di yuda otro. Publicadónan cu a ser yudá lo por bisa cuantu nan ta apreciá e percuracion amoroso aki i mencioná puntonan cu a yuda nan alcansá mas éxito i goso den e ministerio.
Cantica 172 i oracion di conclusion.
Siman di 14 di September
Cantica 160
10 min: Anuncionan local. Informe di cuenta.
15 min: Kico Dios Ta Rekerí di Nos? Discurso. Nos ta cuminsá studia e foyeto aki otro siman n’e studio di buki. Animá tur pa prepará adelantá i asistí na tur sesion pa por familiarisá nan mes cu e foyeto i siña con pa studi’é cu otro personanan. Lesa e paragraf bou di “Con pa Usa e Foyeto Aki.” Usa material den e Toren di Vigilancia di 15 di januari 1997, página 16-17, pa enfatisá e importancia di instruí otronan cu uso dje preguntanan, textonan i ilustracionnan den e foyeto. Conductornan di studio di buki mester pone un bon ehempel pa esnan cu ta conducí studio di Bijbel dor di no papia di mas i no introducí detayenan adicional.—Mira Nos Ministerio di Reino, juni 1996, página 3, paragraf 5.
20 min: Con A Bai cu Nos Aña Pasá? E secretario i e superintendente di sirbishi ta repasá e raport di sirbishi di congregacion i cifranan di asistencia na reunion di aña pasá. Nan ta mustra riba aspectonan positivo dje raport i ta enfocá riba áreanan caminda por mehorá. Tur e publicadónan a participá den sirbishi durante augustus? Describí ki metanan e ancianonan lo concentrá ariba den lunanan binidero, incluyendo yuda tur bira publicadónan regular. Compartí puntonan apropiado for dje último raport dje superintendente di circuito.
Cantica 144 i oracion di conclusion.
Siman di 21 di September
Cantica 122
10 min: Anuncionan local. Noticianan Teocrático.
15 min: Necesidadnan local.
20 min: “Siña Conocé Bo Rumannan.” Pregunta i contesta. Incluí comentarionan for dje Atalaya di 1 di october 1988, página 10-11. Animá tur pa tuma iniciativa pa conocé otro mihó.
Cantica 34 i oracion di conclusion.
Siman di 28 di September
Cantica 17
12 min: Anuncionan local. Recordá publicadónan pa entregá raport di sirbishi pa september. Animá tur pa planea pa traha mas di cas-pa-cas den october pa aumentá e distribucion di revista. Referí na Nos Ministerio di Reino di october 1996, página 8, pa sugerencianan riba con pa prepará presentacionnan. Demostrá un oferta cu e revistanan actual. Corda bai busca bo cuota di revista p’e actividad di fin di siman.
20 min: “Superintendentenan Ta Hiba Delantera—E Superintendente di Sirbishi.” Discurso na encargo dje superintendente di sirbishi. Despues di repasá su tareanan, e ta splica maneranan specífico cu e congregacion por cooperá pa aumentá e alcanse i eficacia dje ministerio localmente.
13 min: Kico Ta Necesario pa Ta un Bon Publicadó di Congregacion? Discurso, cu algun participacion di auditorio. No ta necesario pa bo tin tremendo abilidad of talento; mas bien, ta masha deseabel pa nos tur tin un disposicion di buena gana cu ta reflehá amor, humildad, celo i aprecio. Invitá auditorio pa duna motibunan pakico lo siguiente ta deseabel: (1) un spiritu alegre, (2) asistencia regular i participacion na reunion, (3) ser dispuesto pa aceptá i cumpli cu asignacionnan, (4) cooperacion cu anciano i e areglonan hací p’e congregacion, (5) interes sincero den duna yudansa na otronan, i (6) participacion regular den sirbishi di veld i entregá raport mesora tur luna.
Cantica 25 i oracion di conclusion.