Repaso di Scol di Ministerio Teocratico
Repaso cu buki cerá riba e material cu a ser tratá den asignacionnan den e Scol di Ministerio Teocrático p’e simannan di 4 di januari te cu 19 di april 1999. Usa un blachi separá pa skirbi contesta di mas tantu pregunta posibel den e tempu asigná.
[Nota: Durante e repaso skirbí, por usa solamente e Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]
Contestá cada un dje siguiente declaracionnan cu Cierto of Falsu:
1. No ta tur biaha Jehova a dicta palabra pa palabra loke tin registrá den Bijbel. (2 Tim. 3:16) [w97-PA 15/6 pág. 5 §3] Cierto.
2. Armonia den famia i desaroyo spiritual di yunan ta dependé completamente dje mayornan. (Pro. 22:6) [fy-PA pág. 85 §19] Falsu. Tantu mayor como yu tin cu cooperá den aplicá principionan bíblico. Otro versículonan di Bijbel ta enfatisá e yu su responsabilidad pa scucha i obedecé su mayornan. (Pro. 1:8)
3. Debí cu picá tabata “di bùk n’e entrada,” no tabatin manera pa Cain evitá di cometé malecho serio. (Gén. 4:7) [Lesamentu semanal di Bijbel; mira w94-PA 15/6 pág. 14 §11.] Falsu. Manera Jehova a splica, picá tabata warda pa bula riba Cain i habrak’é si el a permitié; en bes di lucha contra su deseo carnal i ‘logra dominio’ riba dje, Cain a permití su deseo domin’é.
4. Segun un tiener ta crece, automáticamente mester dun’é mas libertad den su scogementu di recreo. [fy-PA pág. 73 §20] Falsu. E tiener mester haña mas libertad segun cu e mustra na e decisionnan cu e ta tuma pa loke ta recreo, cu e ta progresá den direccion di madures spiritual.
5. E deseo di agradá nos Creador ta e mihó motivacion pa papia berdad tur ora. (Pro. 6:17) [g97-PA 8/3 (g97-S 22/2) pág. 19 §4] Cierto.
6. Pa por haci ‘e dichonan di nos boca i e meditacion di nos curason agradabel pa Jehova’ den oracion, nos mester haci esfuerso pa ta mas elocuente posibel. (Sal. 19:14) [w97-PA 1/7 pág. 29 §4-5] Falsu. Jehova no ta keda impresioná cu abla elocuente; e ta keda contentu cu nos expresionnan respetuoso i di curason, sin importá con simpel nos expresá nan.
7. Mandamentu, statuto i leynan di Jehova cu Génesis 26:5 ta mencioná, ta referí na esnan dje pacto di Ley. [Lesamentu semanal di Bijbel; mira w92-S 1/7 pág. 10 §8.] Falsu. N’e tempu ei, ainda e pacto di Ley no tabata existí; nan ta referí na Jehova su leynan fundamental relacioná cu e areglo social di patriarca.
8. Ora Jesus a bisa “bo fe a cura bo,” manera ta pará skirbí na Lucas 8:48, e tabata kier men cu e muher enfermo mester a declará su fe den dje como e Mesías promé cu el a cura. [w97-PA 1/7 pág. 4 §2-4] Falsu. E muher citá den e texto aki no a bisa Jesus nada promé cu el a cura; el a demostrá su fe den Jesus como e Mesías dor cu el a bini cerca dje pa cura.
9. Génesis 11:1 ta un di vários texto bíblico cu ta usa e palabra “tera” pa referí na humanidad en general of n’e sociedad humano. [g97-PA 8/1 pág. 31 (g97-S pág. 27) §3] Cierto.
10. Asta si no tabatin ningun indicacion cu Dina a consentí, tog pa un parti e tabata responsabel p’e perdementu di su birginidad. (Gén. 34:1, 2) [Lesamentu semanal di Bijbel; mira w85-S 15/6 pág. 31 §4.] Cierto. Dor di scoge pa asociá cu hende inmoral cu na un tempu a menasá su antepasadonan Sara i Rebeca, el a hinca su mes den un situacion comprometedor.
Contestá e siguiente preguntanan:
11. Kico Satanas a insinuá cu e razonamentu presentá na Génesis 3:1-5? [Lesamentu semanal di Bijbel; mira w95-PA 15/7 pág. 5 §2.] El a insinuá cu Dios tabata goberná malu dor di retené algu bon for di Adam cu Eva; si nan a come e fruta prohibí nan lo a libra. (Idea principal ta suficiente)
12. Kico e “spada largu i skerpi” cu ta sali for di Jesus su boca, mencioná na Revelacion 19:15, ta representá? [Lesamentu semanal di Bijbel; mira w90-S 15/5 pág. 4 §4.] E ta representá Cristo su autoridad pa ordená ehecucion di tur cu ta nenga di apoyá e Reino di Dios. (Rev. 1:16; 2:16)
13. E echo cu Moises ta duna fechanan specífico relacioná cu e Diluvio di tempu di Noe ta enfatisá kico? [g97-S 8/2 pág. 26 §4] Moises a considerá e Diluvio como un suceso histórico; i dor cu Bijbel ta duna fecha specífico esei ta dun’é e tono di berdad na contraste cu hopi fábula cu ta cuminsá cu e palabranan: “Un biaha tabatin . . .” (Idea principal ta suficiente)
14. Con Abraham a “inbocá e nomber di Jehova”? (Gén. 12:8) [Lesamentu semanal di Bijbel; mira w89-S 1/7 pág. 20 §9.] Cu curashi Abraham a declará e nomber di su Dios, Jehova, na su famia di cas i n’e cananeonan. (Gén. 14:22-24)
15. Den e contexto, kico Jehova tabata kier men ora el a bisa Pablo: “Mi bondad inmerecí ta suficiente pa bo”? (2 Cor. 12:9) [w97-PA 1/6 pág. 25 §3] Ta como si fuera Jehova tabata bisa Pablo cu e privilegio di ser disipel tabata “suficiente” i cu esei lo no a bai compañá cu un eliminacion milagroso di problemanan personal di bida.
16. Kico evidentemente a motivá Lot su casá pa wak patras, loke a pon’é bira un pilar di salu? (Gén. 19:26) [Lesamentu semanal di Bijbel; mira w90-S 15/4 pág. 18 §10.] Su curason tabata pegá na su cas i n’e cosnan material cu e tabatin einan. (Luc. 17:31, 32)
17. Con cristiannan ta mira cumpramentu di cos hortá? (Ex. 22:1; Jer. 17:11) [Lesamentu semanal di Bijbel; mira w92-S 15/6 pág. 30 §3; pág. 31 §1, 6-7.] Nan ta evitá pa concientemente nan tin algu di haci cu cumpramentu di mercancia hortá.
18. Segun Génesis 33:18, con Jacob a mustra cu e no tabata interesá pa asociá cu cananeo? [Lesamentu semanal di Bijbel; mira w95-PA 15/9 pág. 21 §5.] El a lanta su campamentu pafó dje stad di Síkem i a establecé su mes suministro di awa. (Juan 4:6, 12)
19. Con e accionnan di Josef na Génesis 37:13 ta paralelo cu esnan di Jesus? [Lesamentu semanal di Bijbel; mira w87-S 1/5 pág. 12 §12.] Josef a haci loke su tata a pidié i a bai wak con ta cu su ruman hombernan, apesar di nan hostilidad pa cuné; di igual manera, Jesus a aceptá Jehova su asignacion p’e aki riba tera, maske esei lo a nificá gran sufrimentu.
20. Kico ta e diferencia entre Dios i hende pa loke ta expresá rabia? [g97-S 8/6 pág. 19 §2-3] Jehova por dominá su rabia, cu semper ta hustu, hustificá i controlá; hende tin dificultad pa controlá nan rabia, por lo general nan no sa presta atencion na e consecuencianan i hopi bes ta paga un prijs pa motibu di a perde control di nan mal genio.
Yena e palabra(nan) of frase necesario pa completá cada un dje siguiente declaracionnan:
21. Atribuí mal motibunan na otro hende sin cu esei ta basá riba echo, ta mescos cu husga nan. [w97-PA 15/5 pág. 26 §5]
22. Autenticidad dje buki di Génesis ta evidente na su armonia interno, i tambe dor cu e ta na acuerdo completo cu e resto dje Scritura inspirá. [si-S pág. 14 §8]
23. E ehempel di Rehoboam i di Eli por yuda mayornan comprendé e consecuencianan di ta muchu restrictivo of muchu permisivo den criamentu di yu. [fy-PA pág. 80-1 §9-13]
24. Gana conocimentu exacto ta un paso importante den desaroyá un concenshi piadoso. [w97-PA 1/8 pág. 4 §5]
25. Informá malecho ta un acto di amor cristian basá riba principio cu bo ta mustra na Dios, na e congregacion i na e malechor. [w97-PA 15/8 pág. 30 §2]
Scoge e contesta corecto den cada un dje siguiente declaracionnan:
26. Disiplina (estricto; suave; apropiado) ta prueba di e amor cu un mayor tin pa su yu. (Heb. 12:6, 11) [fy-PA pág. 72 §18]
27. Génesis 7:6, 11 ta señalá aña (2970; 2370; 2020) P.E.C., como e aña “ora e diluvio di awa a sosodé riba tera.” [Lesamentu semanal di Bijbel; mira si-S pág. 294 cuadro.]
28. E libertad cu Jesus tabatin na mente na Juan 8:32, tabata libertad for di (gobernacion romano; supersticion; picá i morto). [w97-PA 1/2 pág. 5 §1]
29. Den e cumplimentu final di Génesis 22:18, e simia ta referí na (Isaac; e israelitanan; Jesus i e 144.000). [Lesamentu semanal di Bijbel; mira w98-PA 1/2 pág. 14 §8.]
30. Tabata (obedencia n’e Ley di Moises; e echo cu Dios tabata real p’e i cu e tabatin un temor sano di desagrad’é; miedu di castigu) cu a yuda Josef resistí tentacionnan inmoral cu éxito. (Gén. 39:9) [Lesamentu semanal di Bijbel; mira w81-S 1/7 pág. 7 §1 (w81-E 15/2 pág. 7 §2).]
Cuadra e siguiente textonan bíblico cu e declaracionnan aki bou:
Pro. 5:3, 4; 15:22; 20:11; Efe. 5:19; 2 Tim. 3:16
31. Ta vital pa mayornan haci sigur cu nan yunan ta kere di henter nan curason den e importancia di hiba un bida limpi i moral. [Pro. 20:11] [fy-PA pág. 67 §8]
32. Papiamento confidencial entre mayornan i nan yunan tiener ta vital pa mantené e canal di comunicacion habrí. [Pro. 15:22] [fy-PA pág. 65 §4]
33. E clave pa canta mas mihó na reunionnan di congregacion ta un actitud corecto di curason. [Efe. 5:19] [w97-PA 1/2 pág. 27 §3]
34. Un comprendimentu dje siñansanan dje Palabra di Dios, Bijbel, ta un rekisito pa bida eterno. [2 Tim. 3:16] [w97-PA 15/8 pág. 6 §5]
35. Pa evitá e tentacion di inmoralidad, nos tin cu reconocé cu e ta malu i cu e tin consecuencianan desastroso i amargo. [Pro. 5:3, 4] [fy-PA pág. 93 §9]