Reunionnan Di Sirbishi Pa November

Siman di 1 di November

Cantica 156

10 min: Anuncionan local. Anuncionan selectá for di Nos Ministerio di Reino. Repasá e cuadro “Mira e Poder di Bijbel!”

15 min: “Predicacion Ta Distinguí Nos.” Limitá introduccion na ménos cu un minuut, i sigui cu un consideracion mediante pregunta i contesta. Usando e buki Conocimentu, página 173, §8, relatá brevemente kico nos por bisa pa animá un studiante di Bijbel pa haci esfuerso p’e participá den e ministerio.

20 min: “Ken Lo Por Aceptá un Studio di Bijbel?” Discurso cu demostracion. Di acuerdo cu §4, sugerí vários manera pa stimulá e interes pa sa loke nos publicacionnan ta contené. Tene dos demostracion breve cu ta mustra con por haci esei. Invitá auditorio pa conta con nan tabatin éxito den cuminsá studionan.

Cantica 198 i oracion di conclusion.

Siman di 8 di November

Cantica 204

10 min: Anuncionan local. Informe di cuenta. Corda e rumannan pa nan prepará p’e consideracion di otro siman dje promé 18 paragrafnan dje suplemento di november.

15 min: Caha di Pregunta. Un discurso. Describí e areglonan local pa tene e Salon di Reino limpi i den bon condicion.

20 min: “Kico Lo Bo Bisa un Moslim?” Pregunta i contesta. Resaltá cu ta necesario pa mustra dicernimentu ora di combersá cu hende di otro cultura. Demostrá un presentacion bon prepará. Pa mas informacion tocante islam, mira e suplemento di Nos Ministerio di Reino di februari 1998, e foyeto chikitu Con pa Cuminsá i Continuá Consideracionnan Bíblico página 15-16 (of buki Razonamentu página 23-4), i Hende en Busca di Dios, capítulo 12.

Cantica 208 i oracion di conclusion.

Siman di 15 di November

Cantica 211

8 min: Anuncionan local. Describí areglo pa actividad special di sirbishi di veld p’e último diasabra di luna.

25 min: “Uso di Internet—Sea Alerto p’e Peligernan!” Considerá §1-18 mediante pregunta i contesta. Lesa §4-7, 12, 16, 17. Animá tur presente pa prepará bon p’e consideracion di otro siman di §19-36.

12 min: Mayornan, Boso Ta Conducí un Studio di Famia Regular? Discurso i consideracion cu auditorio. Splica pakico famianan tin cu studia huntu. (Mira buki Guia pa Scol, página 37-8.) Trata e siguiente strobansanan di studio di famia: (1) e sintimentu cu e muchanan ta muchu yong pa beneficiá dje studio, (2) e pensamentu cu asistí na reunionnan di congregacion ta basta, (3) cansancio debí na un schedule ocupá i (4) wakmentu di television cu ta distraí atencion. (Mira E Toren di Vigilancia di 15 di mei 1994, página 11-12.) Invitá cabesnan di famia pa conta con nan ta superá obstáculonan pa asina mantené un bon rutina di studio di famia. Enfatisá cu esaki ta rekerí esfuerso, determinacion i cooperacion.

Cantica 217 i oracion di conclusion.

Siman di 22 di November

Cantica 158

10 min: Anuncionan local i experencianan di sirbishi di veld.

10 min: Ki Actitud Bo Tin pa cu Asignacionnan? Discurso na encargo di un anciano. Tin un lista largu di tareanan necesario pa e congregacion por funcioná: prepará asignacionnan pa programa, busca hende pa bai reunion of hiba nan den sirbishi, yuda esnan di edad, i tambe limpia, drecha i cuida e Salon di Reino, loke ta encerá limpia curá. Con bo ta reaccioná ora pidi bo yuda? Tin ruman kisas ta nenga, tin ta aceptá di mala gana of ta keda sin caba cu e trabou completamente. Considerá pakico ta un privilegio felis pa nos aceptá i cumpli cu asignacionnan. Animá tur den e congregacion pa demostrá un spiritu boluntario di buena gana.—Sal. 110:3, nota na pia di página; Isa. 6:8.

25 min: “Uso di Internet—Sea Alerto p’e Peligernan!” Consideracion di §19-36 mediante pregunta i contesta. Lesa §23-5 i 34-6.

Cantica 223 i oracion di conclusion.

Siman di 29 di November

Cantica 215

10 min: Anuncionan local. Corda publicadónan pa entregá nan raport di sirbishi di november.

15 min: Animá Esnan Nobo pa Asistí n’e Reunionnan. Consideracion entre un anciano i un of dos sirbidó ministerial, basá riba e foyeto Testigo di Jehova ta haci unidamente e boluntad di Dios den tur e mundo, página 14-15. Repasá pakico ta vital pa esnan nobo asistí na reunion. Ei nan ta ricibí mayor parti di nan instruccion, animacion i yudansa. Repasá e cincu reunionnan semanal, i splica e beneficionan di cada un. Considerá con e reunionnan ta promové conducta deboto, ta edificá spiritualidad, ta hala nos n’e organisacion, ta yuda nos desaroyá lasonan estrecho cu otro rumannan i ta yuda nos comprendé e propósito di nos ministerio. Animá auditorio pa usa e foyeto pa stimulá esnan nobo pa bini reunion.

20 min: Nos Ta Scoge e Traduccion di Mundu Nobo. Discurso i demostracion. Entre e organisacionnan religioso cu tin, di nos ta único pasobra nos ta publicá, usa i distribuí un traduccion di Bijbel producí dor di adoradónan ungí di Jehova. No ta pasobra nos kier probechá comercialmente of kier plama creencianan di un secta. Mas bien, nos ta ser motivá p’e deseo di onra e nomber di Dios i pa yuda otronan siña conoc’é mihó. Otro traduccionnan hopi bes ta traducí e Palabra di Dios den un forma difícil pa comprendé, p’esei repasá e bentahanan distintivo dje Traduccion di Mundu Nobo. (Mira e buki “Tur Scritura,” na página 327-31. Tuma nota dje comentarionan den §3, señalá ehempelnan di mihó traduccion den §6 i resaltá beneficionan cu §22-3 ta trata.) Tene dos demostracion breve cu ta indicá con nos lo por respondé ora hende bisa: “Boso tin boso mes Bijbel.”—Mira buki Razonamentu na spañó página 397 [na ingles página 279-80].

Cantica 205 i oracion di conclusion.