Programa di Reunion di Sirbishi

Siman di 13 di Mart

Cantica 118

10 min: Anuncionan local. Anuncionan selectá for di Nos Ministerio di Reino.

15 min: “Nos Ta Predicá Bon Nobo.” Limitá comentario di introduccion na ménos cu un minuut, i sigui cu un consideracion mediante pregunta i contesta. Duna ehempel di puntonan bíblico positivo cu nos por saca for dje buki Conocimentu ora nos ta ofrec’é den e ministerio.

20 min: “Nos Por Haci April 2000 Nos Mihó Luna di Tur Tempu?” (§1-11) Pregunta i contesta. Mencioná e cantidad máximo di pionero auxiliar dje congregacion den tempu recien. Laga algun ruman cu ta entre e cantidad ei conta dje beneficionan personal cu nan ta saca dor di aumentá nan participacion den e ministerio. Animá e congregacion pa traha pa alcansá un máximo nobo di pionero auxiliar durante april. Repasá e cualificacionnan describí den e buki Nos Ministerio, página 113-14. Publicadónan cu ta deseá di traha pionero auxiliar por haña un papel di solicitud despues di reunion.

Cantica 187 i oracion di conclusion.

Siman di 20 di Mart

Cantica 21

10 min: Anuncionan local. Informe di Cuenta.

15 min: “Kico Mi Por Haci?” Un conductor di studio di buki ta considerá e artículo cu un of dos sirbidó ministerial. Debí na vários limitacion, tin publicadó ta sinti cu nan por contribuí masha tiki na e actividad dje congregacion. Repasá algun dje hopi maneranan cu nos tur por contribuí den un forma balioso na fortalecé e congregacion i adelantá e trabou di Reino. Mustra na conclusion con cada publicadó por “Participá den un Raport Final.”—Mira Nos Ministerio, página 108-10.

20 min: “Nos Por Haci April 2000 Nos Mihó Luna di Tur Tempu?” (§12-18) Pregunta i contesta. Incluí un demostracion breve cu ta mustra con pa invitá un conocí na Memorial. Repasá e luna di april riba e Kalender 2000, i describí e reunionnan pa sirbishi di veld cu tin planeá localmente. Corda tur ruman pa nan traha un programa práctico pa asina nan por participá mas tantu posibel den e ministerio durante e luna, cu e meta di logra cu e congregacion ta participá 100%. Animá tur cu por, pa traha pionero auxiliar i busca un papel di solicitud despues di reunion.

Cantica 65 i oracion di conclusion.

Siman di 27 di Mart

Cantica 119

10 min: Anuncionan local. Corda tur publicadó pa entregá raport di sirbishi di veld p’e luna di mart. Anunciá nomber di esnan cu lo traha pionero auxiliar na april. Splica cu no ta muchu lat pa entregá un solicitud. Describí henter e programa pa sirbishi di veld cu tin planeá pa e luna. Animá tur publicadó pa participá den e ministerio e fin di siman aki, i asina duna un bon comienso na april. Nos lo ofrecé ehemplar los di E Toren di Vigilancia i Spierta! durante e luna. Resaltá un artículo i punto di combersacion apropiado cu por usa eficasmente ora di presentá cada un dje edicionnan actual. Tur publicadó mester tin un ehemplar dje foyeto Rekerí i purba us’é pa cuminsá studio di Bijbel cu hende interesá.

13 min: “Pidi Yudansa.” Discurso i consideracion cu auditorio na encargo di un anciano. Splica con periódicamente nos tur tin mester di un of otro tipo di yudansa. Claro cu cada hende mester hiba su mes carga di responsabilidad. (Gal. 6:5) Sin embargo, ora nos no por cu un situacion, nos no mester vacilá pa pidi yudansa cerca un miembro di congregacion spiritualmente maduro. Invitá auditorio pa conta experencianan cu ta mustra con yudansa bondadoso cu nan a haña cerca otro ruman a animá nan.

10 min: Necesidadnan local.

12 min: Repasá Anuario 2000. Consideracion cu auditorio i repaso di puntonan sobresaliente dje “Gran Totalnan di 1999,” na página 31. Trata tambe “Un Carta di Cuerpo Gobernante,” na página 3-5. Pidi algun ruman pa comentá con nan lo bai usa e animacion duná.

Cantica 195 i oracion di conclusion.

Siman di 3 di April

Cantica 72

10 min: Anuncionan local i experencianan di sirbishi di veld. Usa experencianan selectá for di teritorio local cu lo animá otro publicadónan pa participá den sirbishi di veld.

17 min: “Studia Profecia di Daniel.” Pregunta i contesta. Comentá brevemente con nos lo por beneficiá di studia e buki bíblico di Daniel. (Mira capítulo 1, §15-17, den e buki Profecia di Daniel.) Animá tur presente pa asistí regularmente n’e Studio di Buki di Congregacion.

18 min: Mi Mester Informá Malecho Serio? Un discurso serio na encargo di un anciano, dirigí na hóbennan. Den nos sociedad moderno a desaroyá hopi problema cu tabatin un mal efecto riba hóbennan: decadencia den normanan moral, aumento den violencia, adiccion na droga i falta di respet pa autoridad. Tin tiener ta hiba un bida dòbel, scondiendo nan mal conducta. Esaki ta presentá un berdadero menasa pa e bienestar spiritual di henter e congregacion. Tin ta cometé malecho serio i kier ten’é secreto. Si bo haña sa cu un ruman den congregacion a haci algu cu ta un violacion serio dje ley di Dios, kico bo mester haci? Considerá e principio describí na Levítico 5:1. (Mira E Toren di Vigilancia di 15 di augustus 1997, página 27-30.) Referí n’e buki Hovenan sa puntra, página 68-9, i splica kico un persona mester haci den un caso asina.

Cantica 68 i oracion di conclusion.