Repaso di Scol di Ministerio Teocratico
Repaso cu buki cerá riba e material cu a ser tratá den asignacionnan den e Scol di Ministerio Teocrático p’e simannan di 3 di januari te cu 17 di april 2000. Usa un blachi separá pa skirbi contesta di mas tantu pregunta posibel den e tempu asigná.
[Nota: Durante e repaso skirbí, por usa solamente Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]
Contestá cada un dje siguiente declaracionnan cu Cierto of Falsu:
1. Tin biaha nos tin cu warda pa ricibí Jehova su bendicion, ya cu Jehova conocé nos situacion i e ta percurá pa cada necesidad na e ora cu esei ta mas probechoso pa nos. (Sal. 145:16; Sant. 1:17) [1, w98-PA 1/1 pág. 23 §6] Cierto.
2. Presencia dje arca di pacto so no a garantisá éxito pa e israelitanan. Jehova su bendicion a dependé dje condicion spiritual i fiel obedencia di esnan cu tabatin e arca. (Hos., cap. 7) [10, Lesamentu semanal di Bijbel; mira it-1-S pág. 180 §5 (it-1-E pág. 167 §2).] Cierto.
3. Awe nos ta ser nutrí spiritualmente dor di djis lesa e expresionnan di Jehova. (Deu. 8:3) [2, Lesamentu semanal di Bijbel; mira w85-S 15/6 pág. 17 §15, 17.] Falsu. E contexto di Deuteronomio 8:3 ta mustra cu nos mester ta haci e boluntad di Dios pa nos experenciá e manera maraviyoso cu Jehova ta trata cu nos i ta actua na nos fabor. (Compará cu Salmo 34:8; Juan 4:34.)
4. E principio cu e Ley di Moises ta resaltá na Deuteronomio 23:20 ta mustra cu ta falta di amor pa un cristian cobra interes ora e fia un hende placa. [5, Lesamentu semanal di Bijbel; mira it-1-S pág. 1245 §6-7 (it-1-E pág. 1212 §5-6); it-2-S pág. 713 §5 (it-2-E pág. 259 §12); w86-S 15/10 pág. 12 §9.] Falsu. No ta malu pa pidi interes ora fia hende placa pa haci negoshi.
5. E informe optimista di Hosué i Caleb tabata basá riba nan creencia firme den e fortalesa i determinacion dje israelitanan pa vence cualkier obstáculo cu a stroba nan di conkistá e Tera Primintí. (Núm. 13:30) [6, w98-PA 1/2 pág. 5 §4] Falsu. Nan actitud i nan informe a reflehá pleno confiansa den Jehova su abilidad pa cumpli cu su palabra di duna nan e Tera Primintí.
6. Ora Pablo a referí na “e don” na 1 Timoteo, e tabata recordá Timoteo di su ungimentu cu spiritu santu i e recompensa celestial cu tabata sper’é. (1 Tim. 4:14) [11, w98-PA 15/2 pág. 25 §1] Falsu. Versículonan 13 i 16 dje mésun capítulo ei ta mustra cu Pablo tabata recordá Timoteo di su privilegio di sirbishi i cu e mester a atend’é na un manera responsabel.
7. E buki di Hosué no ta percurá ningun coneccion vital den e registro cu ta hiba te na produccion dje Simia di Reino. [14, si-S pág. 46 §24] Falsu. Manera Mateo 1:5 ta mustra, Rahab, describí den e buki di Hosué, a bira un antepasado di Jesucristo.
8. E buki di Huesnan ta un registro di hombernan scogé i nombrá dor di Israel pa goberná e nacion promé cu e periodo dje reynan. [15, si-S pág. 46 §2] Falsu. Ta Jehova a lanta e hombernan aki pa libra su pueblo for di sclabitud bou di stranhero.
9. E peticion di Gídeon, describí na Huesnan 6:37-39, ta mustra cu e tabata demasiado cauteloso i desconfiá. [16, Lesamentu semanal di Bijbel; mira w88-S 1/4 pág. 30 §6.] Falsu. Gídeon kier a haci sigur cu su posicion tabata corecto. Como cu e no tabatin e Palabra di Dios skirbí manera nos awe, esei tabata un manera masha eficas pa haci sigur.
10. Dor di instruí su disipelnan pa “no brasa ningun hende den cumindamentu riba caminda,” Jesus a enfatisá e urgencia dje trabou di predicá i con necesario ta pa duna pleno atencion na e asignacion di sumo importancia aki. (Lucas 10:4) [16, w98-PA 1/3 pág. 30 §5] Cierto.
Contestá e siguiente preguntanan:
11. Di con ta importante pa e palabranan di Jehova resultá di ta riba curason di mayornan? (Deu. 6:5, 6) [1, Lesamentu semanal di Bijbel; mira w98-PA 1/6 pág. 20 §4.] Ta e ora ei so nan lo por inculcá na un manera eficas e palabranan di Jehova su instruccion den nan yunan. (Deu. 6:7; 11:19)
12. Con un cabes di famia por aplicá e principio mencioná na Deuteronomio 11:18, 19? [3, Lesamentu semanal di Bijbel; mira fy-PA pág. 70 §14.] Dor di ta semper alerto pa oportunidadnan pa edificá e punto di bista spiritual di su famia, i realisá cu e studio di famia no ta e único ocasion pa comunicá asuntunan cu ta spiritualmente importante.
13. Ki indicacion bíblico tin cu evidentemente e catibu fugitivo, Onésimo, tabatin basta tempu cerca apostel Pablo promé cu Pablo a skirbi Filemon? [4, w98-PA 15/1 pág. 30 §3] Onésimo mester tabatin un tempu suficiente largu cerca Pablo pa Pablo por a bisa di dje “mi ruman fiel i stimá.” (Col. 4:9)
14. Ora nos mira inhusticia of nos mes experenci’é, kico nos por haci pa evitá di desaroyá un actitud desanimá of pesimista? [6, w98-PA 1/2 pág. 6 §2-3] Nos por corda cu e malbadonan lo ser castigá na Dios su debido tempu; tambe, nos por sigui haci loke ta bon i spera riba Jehova, kende ‘lo no bandoná su lealnan.’ (Sal. 37:28, 29)
15. Con Hosué i Gídeon a mustra sumo respet p’e ley di Dios? (Deu. 20:8, 15-18) [8, si-S pág. 41 §32] Hosué ta un ehempel di obedencia pasobra el a efectuá e conkista dje Tera Primintí i no a tuma botin (Hos. 8:24-27); e echo cu Gídeon a saca tur homber miedoso for di su ehército ta pa cumpli cu e Ley. (Hues. 7:1-11)
16. Con e sucesonan describí na Hosué 10:10-14 ta similar cu loke nos por verwagt na Armagedon? [11, Lesamentu semanal di Bijbel; mira w86-S 15/12 pág. 23 §12–pág. 24 §14.] Jehova lo derotá e nacionnan reuní unidamente contra e Reino i su apoyadónan dor di causa confusion entre nan ora nan confrontá su ehército di ehecucion; tambe lo e haci uso milagroso dje forsanan di naturalesa como un arma.
17. Mencioná tres beneficio di duna elogio sincero pa conducta digno di mérito. (Compará cu Proverbionan 15:23.) [5, w98-PA 1/2 pág. 31 §5-6] E ta contribuí na aprecio caluroso i saludabel pa otro. E ta animá nos pa haci esfuerso pa alcansá metanan digno di elogio. E ta duna nos ánimo pa traha mas duru. E por moldea nos personalidad segun cu nos ta purba cumpli cu e normanan cu ta ser sperá di nos.
18. Na armonia cu Hosué 20:4, con un hende ta hui bai n’e stad di refugio antitípico? [13, Lesamentu semanal di Bijbel; mira w86-S 15/12 pág. 24 §16.] Un hende ta hui dor di dal pasonan pa adkerí un bon concenshi cerca Dios; esakinan ta incluí confesá picá, repentí, cambia di rumbo, haci un dedicacion na Dios i bautisá bou di awa.
19. Con Huesnan 5:31 ta indicá cu e victoria di hues Barak riba e forsanan superior di Sísara na e vaye torencial di Kison tin un nificacion importante pa nos tempu? [16, Lesamentu semanal di Bijbel; mira w86-S 15/2 pág. 21 §4.] E palabra “asina” ta sugerí cu e bataya tabata profético, i ta señalá padilanti na un guera mas grandi den cua tur enemigu di Dios lo muri.
20. Con nos por mustra respet pa e principio tras dje expresion registrá na Huesnan 7:21: “Nan a keda pará, cada un na su lugá”? [16, Lesamentu semanal di Bijbel; mira w82-S 1/9 (w82-E 1/6) pág. 25 §17.] Ora nos ta sirbi den Jehova su organisacion, nos mester ta contentu pa sirbi na unda cu e asigná nos i cumpli cu nos debernan fielmente.
Yena e palabra(nan) of frase necesario pa completá cada un dje siguiente declaracionnan:
21. Pa experenciá e bendicion di Jehova den un forma mas pleno, nos tin cu sigui studia Bijbel cu regularidad i pidi Jehova yuda nos comprendé i aplicá e siñansanan di su Palabra inspirá. (1 Tim. 4:8, 9) [1, w98-PA 1/1 pág. 24 §6]
22. Jehova no ta gusta labiamentu niun tiki pasobra e ta ser motivá pa egoismo, e no ta ni sincero ni onesto, i riba tur cos, e ta mustra falta di amor. [5, w98-PA 1/2 pág. 30 §2-3]
23. E nomber Hosué ta nificá “Jehova Ta Salbacion,” i e tabata un ehempel profético di Jesus. [9, si-S pág. 42 §5]
24. Na armonia cu Jesus su ilustracion na Mateo 7:24-27, mayornan discreto por yuda nan yunan resistí preshon semehante na tempestad dor di duna nan conocimentu exacto i comprendimentu cu lo yuda nan keda firme. [10, w98-PA 15/2 pág. 9 §1]
25. E registro histórico den e buki di Huesnan ta trata e periodo general for di morto di Hosué te na tempu di Samuel, abarcando rond di 330 aña. [15, si-S pág. 47 §5]
Scoge e contesta corecto den cada un dje siguiente declaracionnan:
26. Tuma medidanan relacioná cu kico pa haci cu bo propiedad den caso di morto ta un (asuntu di congregacion; asuntu personal; rekisito pa cristiannan berdadero). (Gal. 6:5) [3, w98-PA 15/1 pág. 19 §6]
27. Pablo a encurashá Filemon pa ricibí (Onam; Onesíforo; Onésimo) cu bondad, pero e no a usa autoridad apostólico pa mand’é haci esei of p’e libra su catibu. (Flm. 21) [4, w98-PA 15/1 pág. 31 §1]
28. Un falta serio cu e relato dje leprosonan cu Jesus a cura ta implicá, ta nan (falta di fe; desobedencia; ingratitud). (Luc. 17:11-19) [7, w98-PA 15/2 pág. 5 §1]
29. Como cu Dios a aprobá dje curso di Rahab, su palabranan na e hombernan di Jérico cu tabata persiguí e spionnan israelita ta indicá cu (dicidí si mester gaña ta un asuntu personal; un persona no ta obligá na divulgá informacion cu ta berdad na hende cu no tin derecho di sa esei; ainda Rahab no a cambia tur su maneranan mundano). (Hos. 2:3-5; compará cu Romanonan 14:4.) [9, Lesamentu semanal di Bijbel; mira w93-PA 15/12 pág. 25 §1.]
30. Manera ta pará skirbí na Juan 13:5, e les práctico cu Jesus a duna ta destacá e cualidad di (amabilidad; empatia; humildad), loke ta pone un hende incliná na haci e tareanan di mas abou na fabor di otronan. [13, w98-PA 15/3 pág. 7 §6]
Cuadra e siguiente textonan bíblico cu e declaracionnan aki bou:
Deu. 7:3, 4; 17:7; 25:11, 12; 28:3; Jer. 15:20
31. E gran respet cu e Creador tin pa e órganonan reproductivo mester influenciá e decision cu un cristian ta tuma relacioná cu e método apropiado pa planea famia. [Deu. 25:11, 12] [6, Lesamentu semanal di Bijbel; mira w99-PA 15/6 pág. 28 §1-4.]
32. Nos por tin confiansa den e sosten di Jehova miéntras cu nos ta cumpli cu nos comision di predicá e bon nobo dje Reino di Dios. [Jer. 15:20] [12, w98-PA 1/3 pág. 28 §1]
33. Haci caso dje spiertamentu di Bijbel ta spar nos dje consecuencianan doloroso cu hopi bes ta resultá ora un cristian uni su mes cu un incrédulo. [Deu. 7:3, 4] [2, Lesamentu semanal di Bijbel; mira w89-S 1/11 pág. 20 §11.]
34. Disfrutá dje bendicion di Dios no ta dependé di na unda podisé nos ta biba of ta sirbi of ki asignacion nos por tin den e sirbishi di Dios. [Deu. 28:3] [7, Lesamentu semanal di Bijbel; mira w96-PA 15/6 pág. 15 §15.]
35. Pablo ta cita e Ley di Jehova como autoridad pa su instruccionnan na 1 Corintionan capítulo 5 en cuanto scomulgacion. [Deu. 17:7] [4, Lesamentu semanal di Bijbel; mira si-S pág. 213 §24.]