Programa di Reunion di Sirbishi
Siman di 14 di Augustus
Cantica 114
12 min: Anuncionan local. Anuncionan selectá for di Nos Ministerio di Reino. Comentá riba e raport di sirbishi di april di e islanan ABC i dje congregacion local. Augustus a sobra dos fin di siman so, pues animá tur publicadó pa participá den e ministerio promé cu luna caba. Repasá e programa di sirbishi di veld di fin di siman.
15 min: “Lucha e Lucha Excelente di Fe.” Limitá introduccion na ménos cu un minuut, i despues considerá e artículo mediante pregunta i contesta. Laga e auditorio duna comentario adicional for dje buki Nos Ministerio, página 44-5, tocante con conductornan di Studio di Buki di Congregacion ta organisá actividad di sirbishi di veld pa nan grupo i ta duna atencion na ken cu tin mester di yudansa personal pa participá i raportá nan ministerio regularmente.
18 min: Con Bo Por Beneficiá dor di Bai Scol. Un tata ta papia cu su yunan pa yuda nan comprendé di con un educacion seglar ta probechoso. (Wak e buki Hovenan sa puntra, página 133-9.) Hopi hóben ta haña cu baimentu di scol ta ègt un desafio den e sociedad rebelde djawe. Tambe nan ta haña scol laf, i ta concluí cu loke nan ta siña lo ta di masha tiki balor práctico. Tata ta repasá principionan bíblico i motibunan sólido pakico ta sabí pa haña un cantidad adecuá di educacion seglar. E ta animá su yunan pa siña bon i paga tinu den klas.
Cantica 127 i oracion di conclusion.
Siman di 21 di Augustus
Cantica 143
12 min: Anuncionan local. Informe di cuenta. Tene un demostracion di sirbishi di veld bon ensayá cu ta mustra con pa contestá e pregunta: “Pakico un Dios di amor lo a permití sufrimentu sigui pa asina tantu tempu?” (Buki Razonamentu na spañó, página 375-6 [na ingles, pág. 395-6]) Animá tur publicadó pa participá den e ministerio e fin di siman aki.
8 min: “Programa Nobo di Dia Special di Asamblea.” Discurso. Anunciá fecha dje siguiente dia special di asamblea, si esei ta conocí, i urgi tur presente pa asistí henter dia. Animá publicadónan pa invitá hende recien interesá i studiantenan di Bijbel.
25 min: “Bo Ta Beneficiando Bo Mes?” Pregunta i contesta.
Cantica 152 i oracion di conclusion.
Siman di 28 di Augustus
Cantica 165
10 min: Anuncionan local. Corda tur publicadó pa nan entregá nan raport di sirbishi di augustus. Conductornan di Studio di Buki di Congregacion mester chek cu tur hende den nan grupo pa asina por conta tur raport pa dia 6 di september.
15 min: Necesidadnan local.
20 min: “Reunionnan Ta Beneficiá Hóbennan.” Un anciano ta trata e artículo mediante pregunta i contesta. Ora di trata §8, considerá algun cos práctico cu por yuda un hende concentrá mas mihó i paga mas tinu durante reunion. (Wak Spierta! di 8 di october 1998, [na spañó, 22 di september 1998] página 19-20.) Animá mayornan pa ta firme den laga nan yunan asistí regularmente na tur reunion.—Wak e experencia den E Toren di Vigilancia di 1 di september 1997, página 25.
Cantica 176 i oracion di conclusion.
Siman di 4 di September
Cantica 196
15 min: Anuncionan local. Caha di Pregunta. Laga publicadónan conta e experencianan cu nan a gosa di dje dor di duna testimonio informal sea riba caminda pa e congreso di distrito, durante of biniendo bek for dje congreso.
10 min: Nos Tempu Ta Special. Discurso na encargo di un anciano, basá riba E Toren di Vigilancia di 15 di november 1996, página 22-3.
20 min: “Bo Ta Perseverando?” Discurso i consideracion cu auditorio. Animá tur ruman pa refleccioná riba e éxito personal cu nan tabatin den demostrá awante den e ministerio cristian. Si debilidadnan sali na cla, ta necesario pa fortalecé nos mes spiritualmente. Incluí comentario for di E Toren di Vigilancia di 1 di october 1999, página 20-1, §17-21. Pidi dos of tres publicadó cu a wanta fielmente durante un periodo di añanan, conta kico nan ta haciendo pa perseverá.
Cantica 206 i oracion di conclusion.