Programa di Reunion di Sirbishi

Siman di 13 di Augustus

Cantica 30

13 min: Anuncionan local. Anuncionan selectá for di Nos Ministerio di Reino. Animá tur hende pa wak e video E Sociedad di Mundu Nobo den Accion como preparacion pa e Reunion di Sirbishi dje siman di 27 di augustus, ora cu lo consider’é. Considerá “Programa Nobo di Dia Special di Asamblea.” Anunciá e fecha dje siguiente dia special di asamblea, i urgi tur pa asistí na henter e programa. Animá publicadónan pa invitá hende recien interesá i studiantenan di Bijbel.

17 min: “Bo Kier Haci Mas?”a Incluí sugerencianan tocante con pa haci mas pa predicá na hende den bo teritorio cu ta papia un idioma stranhero. Comentá brevemente riba E Toren di Vigilancia di 15 di juni 1997, página 26-9.

15 min: “Mantené Recreo na Su Debido Lugá.” Un conductor di studio di buki ta combersá cu un pareha despues dje studio. Bondadosamente e ta mencioná cu último tempu e no a mira nan den sirbishi di veld ni na reunionnan den fin di siman. E pareha ta splica cu vakansi i otro actividadnan di vakansi grandi a mantené nan ocupá. E anciano ta repasá e puntonan principal dje artículo, i ta yuda e pareha mira cu interesnan spiritual mester ta semper na promé lugá. Nan ta gradicié pa e bon recordatorionan. Nan ta bai di acuerdo pa pone mihó prioridad den futuro.—Wak E Toren di Vigilancia di 1 di october 2000, página 19-20.

Cantica 68 i oracion di conclusion.

Siman di 20 di Augustus

Cantica 33

8 min: Anuncionan local. Repasá e raport di sirbishi di april pa islanan ABC i dje congregacion. Informe di cuenta.

15 min: “Bo Ta ‘un Espectáculo Teatral’!”b Mencioná algun incidente local caminda hende a haci declaracionnan faborabel tocante e trabou of conducta di Testigonan di Jehova.—Wak E Toren di Vigilancia di 15 di mart 1998, página 10, i 15 di januari 1999, página 32.

22 min: “Bon Manera—Un Característica di Hende Deboto na Dios.” Un anciano ta duna un discurso di cincu minuut basá riba §1-5. Caba e ta considerá e resto dje artículo riba plataforma huntu cu un otro anciano i un sirbidó ministerial. Nan ta papia tocante con pa vence algun custumber cu ta demostrá falta di consideracion i cu por baha e balor di nos reunionnan i mengua e beneficionan cu nos ta ricibí. Nan ta resaltá con nos asociacion cu otro ta realmente un animacion ora nos demostrá interes amoroso pa otronan.—Fil. 2:4.

Cantica 72 i oracion di conclusion.

Siman di 27 di Augustus

Cantica 40

10 min: Anuncionan local. Corda publicadónan pa entregá nan raport di sirbishi di veld di augustus. Duna brevemente un par di sugerencia con por ofrecé e buki Creacion den e ministerio durante september.—Wak e ehempelnan den Nos Ministerio di Reino di september 1996, página 8, i di juni 1995, página 4.

10 min: Necesidadnan local.

25 min: “Un Repaso Histórico di E Sociedad di Mundu Nobo den Accion.” Consideracion cu auditorio i entrevista. Despues di considerá e preguntanan cu tin, entrevistá ken cu a mira e película original of cu a asistí na e congresonan internacional di añanan ’50. Laga nan conta loke nan ta corda tocante e eventonan ei, e impacto cu esei tabatin riba nan spiritualmente, i nan conviccion cu esaki ta e organisacion di Jehova. Na october nos lo repasá e video Uní pa Medio di Siñansa Divino.

Cantica 74 i oracion di conclusion.

Siman di 3 di September

Cantica 80

8 min: Anuncionan local.

17 min: “Con Importante Compañerismo Cristian Ta?”c Incluí comentario for di e subtema “Mediante e Congregacion” for di E Toren di Vigilancia di 15 di januari 1996, página 22.

20 min: Si un Hende Bisa. Consideracion i demostracion. Den e ministerio, ora hende bisa algu of plantia un pregunta cu nos no ta verwagt, nos mester haci esfuerso pa contestá nan en bes di cambia e tema of pone fin na e combersacion. E buki Razonamentu den hopi caso lo ta útil pa esei. Señalá algun remarke comun, i laga publicadónan demostrá con pa respondé cu e comentarionan for dje buki Razonamentu. Por ehempel: ‘Mi no ta kere den Dios.’ (na spañó, página 122-3; na ingles, página 150-1) ‘Di con boso no ta participá den actividadnan pa mehorá comunidad?’ (na spañó, página 388-9; na ingles, página 207-8) ‘No ta importá cua iglesia bo ta pertenecé na dje.’ (na spañó, página 318; na ingles, página 332) Animá tur publicadó pa usa e rasgo aki dje buki Razonamentu ora nan haña nan cu situacionnan inesperá den e ministerio.

Cantica 121 i oracion di conclusion.

[Footnotes]