Programa di Reunion di Sirbishi

Siman di 12 di Yanüari

Kantika 224

10 min: Anunsio lokal. Anunsio selektá for di Nos Ministerio di Reino. Usando e sugerensianan na página 4, tene dos demostrashon ku ta mustra kon pa presentá E Toren di Vigilansia di 1 di yanüari i e Spièrta! di 8 di yanüari. Den kada presentashon mester ofresé ámbos revista, maske e publikadó ta papia riba unu so. Despues di kada presentashon, resaltá algun aspekto práktiko di e presentashon.

15 min: “E Balor Superior di Sabiduria Divino.”a Si tempu ta permití, invitá ouditorio pa komentá riba e tekstonan menshoná.

20 min: Publikashonnan Nobo Ku Nos A Risibí ku Goso! Konsiderashon ku ouditorio. Nos a keda kontentu ku nos a risibí e dos publikashonnan nobo na e Kongreso di Distrito “Duna Gloria na Dios.” E publikashon “Mira e Tera Bunita” ta distinto for di tur e otronan ku nos tin den nos biblioteka. Kada bes ku bo bòltu un página, bo ta haña un bista revelador di un aspekto di e Tera Primintí. Indiká algun detaye ku ta aparesé riba vários mapa. Sugerí maneranan práktiko ku por usa e publikashon aki. Siña for di e Gran Maestro lo mehorá e salú spiritual di nos yunan. Menshoná algun di e tópikonan oportuno ku e buki ta trata, i mustra kon mayornan i muchanan por benefisiá. Invitá ouditorio pa relatá kon nan ta hasi bon uso di e publikashonnan nobo aki.

Kantika 186 i orashon di konklushon.

Siman di 19 di Yanüari

Kantika 95

5 min: Anunsio lokal.

10 min: Kaha di Pregunta. Diskurso na enkargo di un ansiano.

15 min: Nesesidat lokal.

15 min: “Kon Nos Por Yuda Kasánan Ku No Ta Testigu?”b Entrevistá ún òf dos persona ku a bira sirbidó di Yehova dor di e ehèmpel ekselente di nan kasá ku a aseptá e bèrdat.

Kantika 73 i orashon di konklushon.

Siman di 26 di Yanüari

Kantika 158

12 min: Anunsio lokal. Informe di kuenta. Rekordá e publikadónan pa entregá nan rapòrt di sirbishi di vèlt di yanüari. Usando e sugerensianan na página 4, tene dos demostrashon ku ta mustra kon pa presentá E Toren di Vigilansia di 15 di yanüari i e ¡Despertad! di 22 di yanüari. Den kada presentashon mester ofresé ámbos revista, maske e publikadó ta papia riba unu so. Den un di e presentashonnan, demostrá kon lo bo por ofresé e revistanan na un bisiña.

15 min: Apliká e Palabra di Dios den Bo Bida Tur Dia. Diskurso i konsiderashon ku ouditorio. Animá tur presente pa hasi bon uso di Eksaminando e Skritura Diariamente⁠—⁠2004. Konsiderá algun punto for di e prólogo na página 3-4. Puntra ouditorio ki ora nan personalmente ta haña ta e mihó ora pa konsiderá e teksto di dia. Konsiderá e teksto i komentario pa e dia ei ku e kongregashon. Invitá ouditorio pa komentá kon nos por hasi aplikashon práktiko di e informashon. Animá tur presente pa tuma un ratu pa pensa kon nan por apliká e informashon ora nan ta konsiderá e teksto tur dia.

18 min: Kultivá Amistat ku Rumannan den Fe. (Pro. 18:24; 27:⁠9) Diskurso i konsiderashon ku ouditorio basá riba E Toren di Vigilansia di 1 di desèmber 2000, página 22-3. Un di e bendishonnan ku adorashon berdadero ta trese kuné ta e oportunidat pa haña berdadero amigu. Nos kompañerismo ku nos rumannan na reunion, den sirbishi di vèlt i na otro okashonnan ta animá nos mashá. Kon nos por kultivá amistat ku otro hende den e kongregashon? Repasá e kuadro “Seis Paso pa un Amistat Duradero” i invitá ouditorio pa komentá kon nos por apliká kada un dje puntonan ei den nos trato ku nos rumannan.

Kantika 177 i orashon di konklushon.

Siman di 2 di Febrüari

Kantika 204

10 min: Anunsio lokal. Menshoná e oferta di literatura pa febrüari. Repasá e presentashonnan pa ofresé e buki Hala Serka Yehova den Nos Ministerio di Reino di yanüari 2003, página 3.

20 min: “Wak Bon Kon Bo Ta Usa Bo Tempu.”c Invitá ouditorio pa komentá riba loke nan ta hasi pa evitá ku aktividatnan ku no ta dje importante ei ta kita tempu di nan aktividatnan spiritual.

15 min: Imitá Pablo Meskos Ku El A Imitá Kristu. (1 Kor. 11:1) Konsiderashon ku ouditorio. Meskos ku Hesus, Pablo a probechá di oportunidatnan ku a presentá pa duna testimonio na “tur esnan ku pa kasualidat tabata presente.” (Echo. 17:17) Ki oportunidatnan nos tin den nos teritorio pa hasi esaki? Ken ta “presente” ora nos ta hasi kompra, ora nos ta na skol òf ora nos ta hasi uso di transporte públiko? Ku ken nos lo por bini den kontakto ora nos ta na kas? Invitá ouditorio pa relatá eksperensianan ku nan tabatin den duna testimonio na hende ku nan a topa durante nan aktividatnan di tur dia.

Kantika 151 i orashon di konklushon.

[Footnotes]