Programa di Reunion di Sirbishi

Siman di 14 di Yüni

Kantika 168

10 min: Anunsio lokal. Anunsionan selektá for di Nos Ministerio di Reino. Si e sugerensianan na página 4 ta práktiko pa e teritorio di boso kongregashon, usa nan pa demostrá kon pa presentá E Toren di Vigilansia di 1 di yüni i e Spièrta! di 8 di yüni. Den un di e presentashonnan, demostrá kon e publikadó ta duna testimonio den teritorio di negoshi. Por usa otro presentashon realístiko.

20 min: “Yehova Ta Yuda Esnan Ku Ta Konfia den Dje.”a Ora ta konsiderá paragraf 4, inkluí komentario for di Nos Ministerio di Reino di yanüari 2000, página 1, paragraf 2 i 4, i di e buki Skol di Ministerio, página 67, paragraf 2.

15 min: Pakiko Evitá Uso di Droga? Konsiderashon ku ouditorio basá riba e buki di Rasonamentu na spañó, página 124-7. Uso di droga ta masha komun. Hopi hende ta insistí ku uso di droga no ta hasi daño; algun ta asta boga pa legalisá uso di droga. Konsiderá kon nos lo por rasoná ku e hendenan ei. Inkluí komentario for di e kuadro na página 10 di e Spièrta! di 8 di novèmber 1999.

Kantika 179 i orashon di konklushon.

Siman di 21 di Yüni

Kantika 29

10 min: Anunsio lokal.

15 min: “E Angelnan Ta Yuda Nos.”b Segun ku tempu ta permití, invitá e ouditorio pa komentá riba e tekstonan menshoná.

20 min: Sabiduria di Ariba Ta Rasonabel. (Sant. 3:17) Diskurso i konsiderashon basá riba e buki Skol di Ministerio, página 251-2. Kiko ser rasonabel ta enserá? Dikon e ta un kualidat importante den nos sirbishi? Kiko nos por siña for dje ehèmpel di apòstel Pablo? Kon publikadónan por tene kuenta ku e background di hende den e teritorio di nan kongregashon? Kon nos por yuda studiantenan di Beibel pa ta rasonabel? Hasi areglo di antemano pa un òf dos persona relatá eksperensianan ku ta mustra e benefisio di ta rasonabel.

Kantika 53 i orashon di konklushon.

Siman di 28 di Yüni

Kantika 139

12 min: Anunsio lokal. Informe di kuenta. Kòrda tur publikadó pa entregá nan rapòrt di sirbishi di vèlt pa e luna di yüni. Si e sugerensianan na página 4 ta práktiko pa e teritorio di boso kongregashon, usa nan pa demostrá kon pa presentá E Toren di Vigilansia di 15 di yüni i e ¡Despertad! di 22 di yüni. Den kada presentashon, laga e publikadó duna un komentario breve i amabel na prinsipio. Menshoná ku esei ta yuda e doño di kas sintié mas kómodo.

15 min: Nesesidat lokal.

18 min: “Studio di Buki di Kongregashon—Dikon Nos Tin Mester di Dje.”c Usa e preguntanan ku tin. Inkluí komentarionan for di e artíkulo “Yuda Bo Superintendente di Studio di Buki di Kongregashon,” ku a aparesé den Nos Ministerio di Reino di novèmber 2002, página 1.

Kantika 20 i orashon di konklushon.

Siman di 5 di Yüli

Kantika 3

10 min: Anunsio lokal.

15 min: Kiko Lo Bo Bisa? Diskurso i konsiderashon ku ouditorio. Durante yüli ku ougùstùs nos lo ofresé foyeto. Kua ta e foyetonan ku segun e publikadónan ta mas efektivo den e teritorio di boso kongregashon? Repasá e presentashonnan den Nos Ministerio di Reino di yüli 1998 na página 8 òf den otro edishonnan di pasado. Enfatisá ku kada presentashon tin (1) un pregunta, (2) un teksto i (3) un punto pa trata den un foyeto. Demostrá un òf dos di e presentashonnan. Animá tur hende pa usa Beibel ora nan ta presentá e bon nobo.

20 min: Loke Mucha Mester Haña di Nan Mayornan. Diskurso i konsiderashon ku ouditorio, basá riba e buki Siña For di e Gran Maestro, página 6 i 7. Ta vital pa muchanan siña e prinsipionan bíbliko ku ta goberná adorashon berdadero, i tambe komprondé e papel klave ku nan mayornan ta hunga den nan edukashon. Konsiderá e sugerensianan ku tin pa studia e buki. Invitá mayornan pa konta kon nan a usa e publikashon aki ku ta yuda nos studia Beibel. Laga un òf dos mucha konta dikon nan ta gusta e publikashon aki.

Kantika 65 i orashon di konklushon.

[Footnotes]