Warda Esaki

Presentashonnan Sugerí pa Foyeto

Den e suplemento aki bo ta haña vários sugerensia pa yuda bo prepará presentashonnan pa ofresé foyeto. Por adaptá nan na sirkunstansia lokal. Ta posibel pa usa otro presentashonnan tambe. Por prepará presentashonnan pa foyetonan ku no ta ser konsiderá den e suplemento aki dor di sigui e patronchi di e siguiente sugerensianan.—Wak Nos Ministerio di Reino di yanüari 2005, pág. 8.

Kada un di e sugerensianan riba e página aki ta inkluí (1) un pregunta ku ta stimulá pensamentu pa kuminsá un kòmbersashon, (2) un referensia na un parti den e foyeto kaminda bo por haña puntonan di kòmbersashon i (3) un teksto bíbliko apropiá ku bo por lesa durante e konsiderashon. Bo por yena e sobrá di e presentashon ku bo mes palabra, segun e reakshon di e persona.

Bo Mester Kere den Trinidad?

“Hende tin diferente punto di bista enkuanto e berdadero naturalesa di Dios. Kiko bo ta pensa, ta importá loke bo ta kere?”—pág. 3, §3, 7-8; Juan 17:3.

Disfruta di bida riba tera pa semper!

“Hopi hende ta pensa ku nan lo tin ku bai shelu pa nan por haña bida eterno, pero kon bo ta haña e idea di biba pa semper riba tera?”—Plachi riba portada; Rev. 21:4.

E gobierno cu lo restora paradijs

“Hopi hende ta anhelá un solushon pa e problemanan ku nos ta enfrentá awendia. Bo ta kere ku un dia lo tin un gobièrnu ku lo por solushoná e problemanan aki?”—pág. 3, §1; Mat. 6:9, 10.

E nomber divino cu lo permanece pa semper

“Mayoria di nos konosé e orashon ku ta kuminsá ku e palabranan ‘Nos Tata ku ta den shelu, bo nòmber sea santifiká.’ (Mat. 6:9) Bo tabata sa ku pa nos haña salbashon nos tin ku konosé e nòmber ei?”—pág. 28, §1; Rom. 10:13.

Kico Ta Sosodé cu Nos ora Nos Muri?

“Ora un ser kerí di nos muri, ta normal pa nos puntra nos mes na unda e ta i si un dia nos lo mir’é atrobe. Bo a yega di pensa riba e tipo di preguntanan ei?”—Preguntanan riba e kaft patras; Jòb 14:14, 15.

Kon pa Logra un Bida Satisfasiente

“Rònt mundu, hende ta buskando un mihó bida. Bo ta kere ku un dia lo ta posibel pa nos por tin un bida berdaderamente satisfasiente?”—pág. 29, §6; 2 Ped. 3:13.

Ora un Persona Stimá Muri

“Awe nos ta ofresiendo e foyeto aki ku a trese konsuelo i speransa pa miónes di hende ku a pèrdè un ser kerí den morto. Bo a yega di puntra bo mes ki speransa tin pa e mortonan?”—pág. 27, §3; Juan 5:28, 29.

“Bo a yega di puntra bo mes ta kon lo bo por konsolá un hende ku a pèrdè un ser kerí den morto?”—pág. 20, §1; Pro. 17:17.

Un Buki pa Tur Hende

“Bo ta kere ku Beibel tin konseho práktiko pa nos tempu?”—pág. 22, palabranan di introdukshon ariba; pág. 23, §3 di e kuadro; Pro. 25:11.