Prediká na “Tur Sorto di Hende”
1. Den ki sentido por kompará un predikadó efikas ku un artesano ábil?
1 Un artesano ábil tin hopi hèrmènt, i e sa na ki momento i kon e tin ku usa kada un. Nos tambe tin vários hèrmènt pa yuda nos kumpli ku nos trabou di prediká. Por ehèmpel, nos tin foyeto riba un variedat di tópiko ku por yuda nos prediká na “tur sorto di hende.” (1 Kor. 9:22) E suplemento athunto ta menshoná algun di e foyetonan akí. E ta splika pa ken a traha kada un di nan i kon nos por ofresé nan.
2. Na ki momento nos por usa foyeto den sirbishi?
2 Ki Ora Ta Usa Foyeto: Un artesano lo usa un hèrmènt na momento ku esaki por yud’é ku algu. Asina tambe, nos por ofresé un foyeto na momento ku nos haña ku lo e por benefisiá un hende, pues, no solamente ora nos tin e komo oferta di luna. Por ehèmpel, si e buki Beibel Ta Siña ta e oferta di luna i nos ta papiando ku un doño di kas ku no ta kristian i ku no ta masha interesá den Beibel, lo ta mas práktiko pa ofresé un foyeto ku ta pas ku e sirkunstansia ei. Despues ku nos kultivá e persona su interes, nos por introdusí e buki Beibel Ta Siña.
3. Dikon nos tin ku siña usa nos hèrmèntnan di prediká ábilmente?
3 Beibel ta elogiá hende ku ta ábil den nan trabou. (Pro. 22:29) Sin duda, awe no ta eksistí un trabou mas importante ku “e trabou santu di deklará e bon notisia.” (Rom. 15:16) Pa nos por bira “un trahadó ku no tin nada di tene bèrgwensa di dje,” nos lo hasi tur nos esfuerso pa siña usa nos hèrmèntnan ábilmente.—2 Tim. 2:15.