Algun Sugerensia

Pa Kuminsá Estudio di Beibel Riba e Promé Djasabra di Òktober

“Hopi hende ta kere ku lo yega e dia ku Dios lo husga nan di akuerdo ku nan echonan. Kiko bo ta pensa? E Dia di Huisio mester ta algu pa anhelá òf algu pa tene miedu di dje? [Permití e persona kontestá.] Ripará kiko e revista akí ta bisa.” Duna e persona E Toren di Vigilansia di 1 di òktober i analisá huntu kuné e informashon ku tin bou di e promé pregunta na página 26 i lesa por lo ménos un di e tekstonan. Ofres’é e revista, i traha un afsprak pa konsiderá e siguiente pregunta.

E Toren di Vigilansia 1 di Òktober

“Na hopi parti di mundu nan ta deskriminá i maltratá hende muhé. Lamentablemente, kreensianan religioso a kontribuí na esaki. Bo ta kere ku Dios ta interesá den hende muhé? [Permití e persona kontestá.] Wak kiko Beibel ta bisa di e manera ku hende hòmber mester trata hende muhé. [Lesa Efesionan 5:28, 29.] E revista akí ta mustra kon e Dios di Beibel ta mira hende muhé.”

¡Despertad! Òktober

“Hopi mayor ke pa nan yunan haña un bon enseñansa. Bo ta kere ku ora e hóbennan djawe kaba skol nan ta bon prepará pa trata ku e retonan di bida? [Permití e persona kontestá.] Ripará kiko Beibel ta bisa enkuanto e importansia di haña konosementu i sabiduria. [Lesa Eklesiástes 7:12.] E revista akí ta duna sinku sugerensia práktiko pa yuda mucha bai bon na skol.”