Dios Ta E miho Amigu Cu Hamas Lo Bo Por Tin

Bira amigu di Dios ta e mihó cos cu lo por sosodé cu bo. Dios lo siña bo con pa ta felis i protehá; lo e libra bo di hopi creencia robes i prácticanan dañino. Lo e scucha bo oracionnan. Lo e yuda bo gosa di pas interno i confiansa. (Salmo 71:5; 73:28) Dios lo sostené bo durante tempu di dificultad. (Salmo 18:18) I Dios ta ofrecé bo su don di bida eterno.—Romanonan 6:23.

Miéntras bo ta hala cerca Dios, lo bo hala cerca amigunan di Dios. Nan lo bira bo amigunan tambe. De facto, nan lo bira manera rumannan homber i muher pa bo. Nan lo ta contentu pa siña bo tocante Dios i nan lo yuda bo i animá bo.

Nos no ta igual na Dios. Ora bo ta busca Dios su amistad, bo mester comprendé un echo importante. Amistad cu Dios no ta un amistad entre dos persona igual. E ta hopi mas bieu i sabí, i ta mas poderoso cu nos. E ta nos Gobernante legítimo. P’esei, si nos kier ta su amigu, nos tin cu scuch’é i haci loke e ta bisa nos. Esaki semper lo ta pa nos beneficio.—Isaías 48:18.