Presentando e Bon Nobo cu un Actitud Positivo
1 Nos tur ta gusta haña un sintimentu di goso i logro den loke nos ta haci, specialmente den e trabou di haci disipel. Kico ta duna nos tal satisfaccion? Esei ta cuminsá ora nos ta mantené un actitud mental positivo segun cu nos ta keda ocupá den e trabou cu ta bale la pena, e trabou di yuda otronan. (Pro. 11:25) Nos manera di presentá e bon nobo mester mustra cu nos di berdad ta kere loke nos ta bisa. Si nos ta papia di nos curason, anto nos lo reflehá sinceridad i conviccion personal. (Luc. 6:45) Dor di ensayá nos presentacion, nos lo sinti mas confiansa ora di papia cu e hendenan den e teritorio. Esaki lo ta particularmente balioso durante september ora nos ta ofrecé e buki La vida... ¿cómo se presentó aquí? ¿Por evolución, o por creación? Tal bes bo ta haña e siguiente sugerencianan útil ora di presentá e bon nobo cu un actitud positivo. [Top of left column]
2 Ora di ofrecé e buki “Creación,” lo bo por bisa esaki na e bishita inicial:
◼ “Papiando cu nos bisiñanan, nos a ripará cu algun ta pone nan confiansa den Dios. Otronan ta haña ta difícil pa kere den dje. Kico ta bo opinion? [Permití contesta.] Tuma nota con e Bijbel ta razoná riba e asuntu aki. [Lesa Romanonan 1:20.] Nos por mira prueba di Dios su ‘poder eterno i Divinidad’ dor di observá e cosnan cu el a crea.” Lesa e último paragraf na página 48 dje buki Creación, i hala atencion n’e complicá cu un cel bibu ta. Of usa §18 na página 147 pa mustra con un palu su sistema asombroso di circulacion ta resaltá e trabou di un Creador. Ofrecé e persona e buki i mencioná e contribucion p’e.
3 Ora bo ta bai rebishitá esnan cu ken bo a considerá Dios su cualidad como Creador, tal bes lo bo kier bisa esaki:
◼ “Na mi bishita anterior, nos a papia tocante e evidencia di Dios su existencia, esta, su creacion maraviyoso. Bo ta haña cu ta difícil pa kere cu Esun cu a crea e universo tambe lo ta interesá den nos futuro? [Permití contesta.] Ta interesante pa nota cu e futuro ya a ser determiná caba dor dje Creador.” Lesa Isaías 46:9, 10. Dependiendo dje persona su interes, usa e plachinan i e textonan bou di nan den capítulo 19 dje buki Creación pa resaltá e condicionnan ideal cu Dios a primintí. Lesa §1 di capítulo 20, i ofrecé un studio di Bijbel. Si e persona aceptá, cuminsá e studio for dje buki Conocimentu.
[Top of center column]
4 Lo bo por purba e presentacion aki ora di ofrecé e buki “Creación”:
◼ “Papiando cu hende den e becindario, mi a ripará cu mayoria di nan ta anhelá pa biba den un comunidad sigur i un mundu pacífico. Kico segun bo ta e motibu cu hende no a logra realisá condicionnan asina? [Permití contesta.] Algun lider político kisas ta sincero i ta haci algun cos bon, pero tuma nota di loke Bijbel ta consehá sabiamente.” Lesa Salmo 146:3, 4; anto puntra: “Tin un persona cu por satisfacé e necesidadnan di hende?” Lesa versículo 5 i 6. Mustra e plachi na página 251 dje buki Creación, i hala atencion n’e beneficionan dje gobernacion di Dios. Ofrecé e buki i mencioná e contribucion p’e.
5 Si bo a considerá Dios su gobiernu n’e bishita inicial, lo bo por purba e sugerencia aki n’e rebishita:
◼ “Un par di dia pasá cu mi tabata aki, nos a considerá e fracaso di hende di trece berdadero pas riba tera. Bo por ta corda cu nos a haña sa e motibu cu Bijbel ta duna p’e fracaso ei. [Lesa Salmo 146:3 atrobe.] Bo a nota pakico Dios ta consehá nos pa no pone nos speransa riba hende? [Permití contesta.] Kisas bo ta di acuerdo cu cualkier speransa pa un solucion permanente mester bini di Dios. E motibu cu nos por tin e confiansa aki ta ser splicá na Salmo 146:10. [Les’é.] Si nos kier ta un súbdito dje Reino di Dios, kico nos tin cu haci?” Bai na página 250 dje buki Creación, lesa §13, i resaltá Juan 17:3. Ofrecé pa demostrá con, via un studio di Bijbel, miyones di hende a adkerí e conocimentu cu ta hiba na bida eterno. Si e doño di cas permití esei, introducí e buki Conocimentu i cuminsá e studio.
[Top of right column]
6 Ora di traha di negoshi pa negoshi, lo bo por usa e método breve aki cu e buki “Creación”:
◼ “Awe nos ta rindiendo un servicio special na e hendenan di negoshi dje comunidad. Nos tur ta preocupá cu e manera cu crímen i violencia a escalá den nos área. Bo ta kere cu tin un persona cu un berdadero solucion p’e problema? [Permití contesta.] Dios tin un solucion.” Bai na página 196 dje buki Creación; lesa i comentá riba Proverbionan 2:21, 22 den §19. Mustra e título di capítulo 16, i ofrecé e buki. Mencioná e contribucion p’e buki.
7 Ora di rebishitá un persona di negoshi cerca ken bo a laga e buki “Creación,” lo bo por bisa esaki:
◼ “Na mi último bishita, mi a mencioná cu Dios ta e único persona cu realmente tin e solucion duradero pa crímen i violencia. Segun su promesa, nos por confia cu un mundu di pas lo ser realisá. Tuma nota di loke cada un di nos por scoge p’e.” Lesa §11 na página 250 dje buki Creación, incluyendo Salmo 37:37, 38. Comentá riba e plachi na página 251, i lesa e promé frase di §14. Ofrecé un studio di Bijbel grátis, cu por ser conducí sea na nan lugá di negoshi of na nan cas.
8 Como “colaboradornan di Dios,” nos tin tur motibu pa ta positivo ora di presentá e bon nobo. (1 Cor. 3:9) Si nos mantené e actitud aki esei lo resultá den Jehova su bendicion ricu.