Saca lo Mihó for di Scol
1 Awor ta e temporada di aña ora cu hopi hóben ta puntra: “Mi mester bai scol bek caba?” Maske por tin algun desafio i ansiedad asociá cu bai scol bek, hóbennan cu haci nan best pa saca lo mihó for di nan educacion por haña hopi beneficio tambe.
2 Un bon educacion básico por contribuí na bo progreso spiritual. Loke un persona ta haci durante su hubentud tin un gran influencia riba loke e por logra como adulto. Asta den e asuntu di educacion, ‘loke un hende sembra, esaki lo e cosechá tambe.’ (Gal. 6:7) Hóbennan cu ta siña nan lesnan di scol diligentemente por adkerí abilidadnan cu lo haci nan mas útil pa Jehova.
3 Ta necesario pa bo pensa bon di antemano, pa asina bo tuma e decisionnan corecto en cuanto ki vaknan di scol pa scoge. Mayornan mester yuda nan yunan scoge e vaknan cu ta ofrecé e entrenamentu di mas práctico afin di alcansá metanan spiritual den bida. Dor di desaroyá nan abilidadnan, hóbennan lo tin e bentaha di por mantené nan mes miéntras nan ta den e trabou di pionero. Nan educacion básico lo mester yuda nan alabá Jehova sin importá unda nan ta sirbi.
4 Hóbennan, purba saca lo mihó for di bo añanan di scol. Ora di haci esei, enfocá riba hiba un bida significativo i satisfaciente den sirbishi sagrado, en bes di busca pa alcansá un carera den mundu. Trata na usa bo bida pa haci e boluntad di Jehova. Dje manera ei, lo bo haci bo caminda exitoso, locual lo duna alabansa na Jehova.—Sal. 1:3.