Bo A Demostrá na e Promé Bishita Kon Nos Ta Duna Estudio?

Ora nos ofresé estudio di Beibel, algun doño di kas ta bisa ku nan no ta interesá òf ku nan ta studia Beibel na nan iglesia kaba. Debí ku esei ta e úniko eksperensia ku nan tin, nan no tin ningun idea kon instruktivo i agradabel ta pa studia Beibel ku nos. P’esei, en bes di djis ofresé un estudio, dikon no tuma un par di minüt na e promé bishita pa demostrá kon nos ta studia Beibel ku hende? Pa komprondé e punto bon, konsiderá lo siguiente: No djis bisa nan ku bo por kushiná i ku bo ta bai trese un kuminda pa nan purba; laga nan purba e kuminda mesora! At’akí un idea kon lo bo por hasi esei den djis algun minüt, a base di un sugerensia di Nos Ministerio di Reino di yanüari 2006 na página 6:

“Bo ta kere ku lo bin un dia ku e palabranan akí lo kumpli? [Lesa Isaias 33:24, i permití e persona kontestá.] Laga mi mustra bo algu interesante tokante e tópiko akí.” Duna e doño di kas un buki Beibel Ta Siña, i bai kuné na página 36, paragraf 22. Lesa e pregunta na pia di e página, i pidi e doño di kas pa buska e kontesta segun ku bo ta lesa e paragraf. Despues hasi e pregunta atrobe, i skucha kiko e doño di kas ta kontestá. Lesa un di e otro tekstonan huntu. Hasi un pregunta ku lo bo kontestá na e siguiente bishita, i hasi afsprak pa bolbe serka dje. Bo a kaba di kuminsá un estudio di Beibel!