Kampaña pa Anunsiá Memorial Ta Kuminsá 1 di Mart
1. Ki dia nos lo kuminsá anunsiá e Memorial, i dikon e kampaña ta mas largu e aña akí?
1 Djabièrnè 1 di mart nos lo kuminsá ku nos kampaña anual pa invitá hende pa asistí na Memorial, kual lo tuma lugá 26 di mart. E aña akí e kampaña lo ta un poko mas largu. Pues nos por invitá mas tantu hende, spesialmente si nos kongregashon tin un teritorio grandi pa kubri.
2. Ki preparashon e ansianonan lo hasi pa nos haña e invitashonnan i kubri e teritorio?
2 Instrukshonnan: Ansianonan lo duna guia kon pa kubri e teritorionan i si mester laga invitashon kaminda no tin hende na kas. Si sobra invitashon despues ku traha tur kas den e teritorionan, por laga esakinan ora nos ta prediká públikamente, manera den kaya, na lugá di parker, den parke, negoshi, etcetera. (Echo. 20:20) E superintendente di sirbishi lo perkurá pa riba bali tin sufisiente invitashon ku e adrès di e lugá i e ora di e Memorial pa e publikadónan por kue. No mester pone tur e invitashonnan riba bali den un tiru. Nos mester kue solamente e kantidat di invitashon ku nos lo usa e siman ei.
3. Kiko nos mester tene kuenta kuné ora di parti invitashon?
3 Loke Nos Por Bisa: Ta mihó nos ta breve, di manera ku nos por invitá mas tantu hende posibel. Na página 4 tin un presentashon ku nos por adaptá na nos teritorio. Si e doño di kas ta amigabel òf tin algun pregunta, nos por keda un tiki mas. Den wikènt, aparte di parti invitashon, nos por ofresé revista tambe, si ta apropiá. Djasabra 2 di mart nos lo konsentrá riba parti invitashon pa Memorial en bes di purba kuminsá estudio di Beibel.
4. Dikon nos mester ta entusiasmá pa partisipá den e kampaña?
4 Nos ta spera ku hopi hende lo asistí na Memorial. E diskurso lo splika ken Hesus ta realmente. (1 Kor. 11:26) Tambe lo e splika kon su morto ta yuda nos. (Rom 6:23) I lo e mustra dikon ta importante pa nos kòrda riba Hesus. (Huan 17:3) Laga nos partisipá ku entusiasmo den e kampaña akí!