Dia 22 di Mart Nos Ta Kuminsá Invitá Hende pa e Konmemorashon

E aña akí nos kampaña pa parti invitashon pa e Konmemorashon ta start djasabra 22 di mart. Nos ta animá tur publikadó pa apoyá esaki. Den wikènt nos por ofresé tambe nos revistanan aktual, si ta apropiá. Riba e promé djasabra di aprel nos lo konsentrá riba parti invitashon en bes di purba kuminsá estudio di Beibel. Pero, si nos topa un hende ku tin hopi interes, nos por purba kuminsá un estudio di Beibel kuné. E superintendente di sirbishi por determiná si lo parti invitashon na lugánan públiko pa alkansá mas hende den e teritorio. For di awor, traha un lista di famia, kolega di trabou, kompañero di skol, rebishita i otro hende konosí ku bo tin gana di invitá i duna nan un invitashon ora e kampaña kuminsá. Nos ta spera ku hopi hende lo bin konmemorá ku nos e dos ekspreshonnan di mas grandi di amor.​—Huan 3:16; 15:13.