Kon pa Mehorá Nos Sirbishi: Vense Opstákulo Ku Por Para Kòmbersashon

Dikon e Ta Importante: Imaginá ku bo sa ku tin un desaster natural na kaminda. Pa hende por skapa, nan tin ku bai na un lugá di refugio. P’esei bo ta bai serka bo bisiña pa spièrt’é, pero e ta interumpí bo, bisando bo ku e ta okupá aworakí. Lo bo djis bira lomba bai lag’é? Klaru ku nò. Hopi hende den nos teritorio ta nenga di skucha i no ta realisá ku e mensahe ku nos ta trese ta unu di salbashon. Kisas, ora nos pasa serka nan, nan ta hopi drùk. (Mat. 24:37-39) Òf podisé nan tin sierto prehuisio kontra nos pa motibu di algun rumor ku nan a tende. (Mat. 11:18, 19) Asta nan por pensa ku nos ta meskos ku e religionnan ku ta trose e Palabra di Dios. (2 Ped. 2:1, 2) Si un persona no mustra interes na prinsipio, nos no mester ta lihé pa entregá.