SIÑA KON PA TRATA KU STRÈS
Un Bida sin Strès Ta Posibel
E konsehonan di Beibel por yuda nos evitá strès innesesario. Klaru ku komo hende, ta imposibel pa nos kita tur kos ku ta kousa nos strès. Pero nos Kreador sí por. El a asta skohe un persona pa yuda nos: Hesukristu. Ora Hesus tabata riba tera, el a hasi kos maravioso. Pero den futuro serkano, lo e hasi muchu mas pa humanidat, i na un eskala mundial. Por ehèmpel:
HESUS LO KURA TUR MALESA.
“Nan a trese tur hende ku tabata malu serka dje—hende ku tabatin vários malesa . . . , i el a kura nan tur.”—MATEO 4:24.
HESUS LO PERKURÁ KAS I KUMINDA PA TUR HENDE.
“Nan [e súpditonan di Kristu] lo traha kas i biba den nan; tambe nan lo planta kunukunan di wendrùif i kome nan fruta. Nan lo no traha kas pa otro hende biba aden, ni planta pa otro hende kome.”—ISAÍAS 65:21, 22.
HESUS SU GOBIÈRNU LO TRESE PAS I SIGURIDAT.
“Den su dianan laga e hustu floresé, i laga tin abundansia di pas te ora ku no tin luna mas. Lag’é goberná tambe di laman pa laman, i for di Riu Eufrátes te na e finnan di tera. . . . su enemigunan [lo] lembe stòf.”—SALMO 72:7-9.
HESUS LO ELIMINÁ INHUSTISIA.
“E lo tin kompashon di e pober i di esun den nesesidat, i e lo salba bida di esnan den nesesidat. E lo reskatá nan bida for di opreshon i violensia.”—SALMO 72:13, 14.
HESUS ASTA LO KABA KU SUFRIMENTU I MORTO.
“Lo no tin morto mas; ni tristesa ni sklamashon ni doló lo no tin mas.”—REVELASHON 21:4.