Papia na un Manera Natural

Loke Felipe A Hasi

VIDIO: Felipe A Prediká na un Funshonario di Alto Rango di Etiopia

1. Wak e VIDIO òf lesa Echonan 8:​30, 31. Despues, analisá e siguiente preguntanan:

1. Kon Felipe a kuminsá e kòmbersashon?

2. Dikon esei tabata un manera natural pa kuminsá un kòmbersashon i siña e funshonario algu nobo?

Kiko Nos Ta Siña for di Felipe?

2. Si nos laga un kòmbersashon kana na un manera natural, probablemente e persona ku nos ta papia kuné lo sinti su mes kómodo i lo e ta mas dispuesto pa skucha nos mensahe.

Imitá Felipe

3. Sea un bon opservadó. Postura, gesto i ekspreshon di kara di un persona por revelá hopi kos. E persona lo ke papia ku bo? Kisas, bo por kuminsá papia di un tópiko basá riba Beibel si bo djis puntra: “Bo tabata sa ku . . . ?” No fòrsa un kòmbersashon si e persona no tin gana di papia.

4. Tene pasenshi. No pensa ku bo mester kuminsá papia mesora tokante Beibel. Warda pa e momento oportuno pa kuminsá un kòmbersashon na un manera natural. Tin biaha, esei ta enserá warda te un siguiente kòmbersashon.

5. Sea adaptabel. Por sosodé ku un persona ta kuminsá papia di un tópiko ku bo no a ferwagt. Pues, sea dispuesto pa papia di un tópiko ku e persona ta interesá den dje, asta si ta trata di un tema di Beibel ku bo no a prepará.