Algun Sugerensia

Pa Kuminsá Estudio di Beibel Riba e Promé Djasabra di Febrüari

“Hopi hende ta kere ku ta Diabel ta tras di tur e maldat ku tin na mundu. Pero nan ta puntra nan mes: ‘Di unda Diabel a bini? Ta Dios a kre’é?’ Kiko bo ta pensa? [Permití e persona kontestá.] Wak kiko e revista akí ta bisa.” Mustra e persona e artíkulo parti patras di e Toren di Vigilansia di 1 di febrüari, trata e promé paragraf i lesa e teksto kuné. Ofres’é e revista i traha un afsprak pa trata e siguiente pregunta.

E Toren di Vigilansia 1 di Febrüari

“Nos tin gana di sa kiko bo ta pensa di lo siguiente: Tantu kristian, hudiu komo mòslem tin masha rèspèt pa e hòmber ku Beibel ta yama Moises. Pero kiko ta e promé kos ku ta bini na bo mente ora bo tende su nòmber? [Permití e persona kontestá.] Aunke Moises tabatin su fayonan, ta interesante pa wak kon Beibel ta deskribí su persona. [Lesa Deuteronomio 34:10-12.] E revista akí ta trata tres di su bon kualidatnan i ta mustra kon nos por imit’é.”

¡Despertad! Febrüari

“Awendia ta masha normal ku hende ta emigrá bai un otro pais en buska di un mihó bida. Pero bo ta kere ku semper nan ta haña loke nan a bai buska? [Permití e persona kontestá.] E echo ku hende ta muda bai un otro pais no ta nada nobo. Wak un kaso akí den e promé buki di Beibel. [Lesa Génesis 46:5, 6.] E revista akí ta analisá e preguntanan akí.” Mustra e doño di kas e preguntanan ku tin na final di página 6.