2 EL BLIONGEL

Bo Moba Blakerreng el Terung

“Ma chad a diak le kirel el merort er sel bla lokur a Dios.”—Markus 10:9

A Jehovah a mengerechir er kau me “bo le blak a rengum er a bechim.” (Osisechakl 5:15) Tiang a kmal tokubets el klou a ultutelel er a chebechiielem e le lak a blakerreng e ngdiak a klaumerang er a chelsel. E a klaumerang a klou a ultutelel el uchul me a bltikerreng a sebechel el meleketek el mo mesisiich.

A rebetok el chad er chelecha el taem a diak el blak a rengrir er a chebechiil. Me a obo momekerreu er a chebechiielem, e ngkirem el mo meruul a teblo el tekoi.

1 MRELLII A CHEBECHIIELEM EL MO KOT

A LOLEKOI A BIBLIA: “Lak bo mua re mekebelung el chad, e bai bo mua re mellomes a rengrir el chad.” (Efesus 5:15, 16) Ngllomeserreng a omomes er a chebechiielem el ta er a kot el klou a ultutelel el tekoi er a klengar er kau. Ngkirel el mo kot el klou a ultutelel er a rokui el tekoi.

A Jehovah a soal a obo blechoel el melatk er a bechim e “moldeu er a rengum er a klengar er kau” el obengkel. (Olisechakl 9:9) Ngmeketeklii el kmo ngdiak el kirem el mengemikr er a bechim, ngbai kiriu el osiik el kmo ko mo mekerang e ngmo er ngii a deurreng er a delongeliu. (1 Korinth 10:24) Mrellii a bechim el mo melechesuar el kmo, ngkmal usbechall e klou a ultutelel.

A husband brings his wife a hot beverage; a husband comes home and finds his wife cooking

SEBECHEM EL MERUUL:

Bo blechoel el mengoit a taem el obengkel a bechim e bo mkerekikl el orrenges er ngii
Momdasu er “kemiu” el terung e lak di momdasu er a di “kau” el tang

A husband and wife spend time together on a picnic

2 MOMEKERREU ER A RENGUM

A LOLEKOI A BIBLIA: “A chad el omes er a redil e mo nguibes er ngii a mla mor a laokreng er a chelsel a rengul.” (Mateus 5:28) A lsekum a chad a melemolem el omdasu a mekngit el tekoi, e ngsebechel mo ua lak el blak a rengul er a bechil.

A Jehovah a melekoi el kmo ngkirem el mo “kerekikl er a uldesuem.” (Osisechakl 4:23; Jeremia 17:9) A omoruul er tiang e ngkirem el mo kerekikl a osengem. (Mateus 5:29, 30) Moltirakl a kerebai er a Job, el rirellii a telbiil el kirel a osengel el kmo ngdiak bo el ngibes a lomes er a ta er a ekebil. (Job 31:1) Ngkmal diak el kirem el omes a siasing er a remeau. E bo lulterekokl a rengum el mo mengeroid er kau er a ngii di el rolel a tekoi er a ultoir el obengkel a chad el diak el bechim.

A husband has a picture of his wife on his desk at work

SEBECHEM EL MERUUL:

Mochotii el mo er a rechad el kmo kau a kmal blak a rengum el mo er a bechim
Momdasu er a rengul a bechim, e mereched el torebengii a ngii di el deleongel el sebechel el rullii a bechim el mo mekngit a uldesuel