A Beches el Chedal a Chelechad er a Ruungerachel

Sera tutau er a Ongedei el Ureor el September 5, 2012, e ngmla er ngii a subed el mo er a telungalek er a Bethel er a Merikel me a Canada el kmo ngmla mo er ngii a beches el chedal a Chelechad er a Ruungerachel er a Resioning er a Jehovah. Sera September 1, 2012, e a Mark Sanderson a ulemuchel er tia el omesiungel.

A demal me a delal a Brother Sanderson el tir a Kristiano, a ulemekeroul er ngii er a San Diego, California, U.S.A., e sera February 9, 1975 e ngmlo metecholb. Ngulemuchel el mesiou el pioneer er a beluu er a Saskatchewan, Canada, er sera September 1, 1983. Sera December 1990, e ngtilobed er sel ongeuid el class er a Ministerial Training School (el okedongall el Skuul er a Biblia el kirir a Remesobil el Odam er chelechang) el ngar er a Merikel. A Brother Sanderson a miltutk el mo mesiou el special pioneer el ngar er a iungs er a Newfoundland, Canada, er a April 1991. Ngmilsiou el omtechei er ngike el odam el oldingel a ongdibel, e a uriul e te ullengit er ngii el mo chedal a telungalek er a Bethel er a Canada er sera February 1997. Sera November 2000, e ngmlo mesiou el ngar er a branch er a Merikel, e uluureor er a Hospital Information Services e a uriul e ngmlo er a Service Department.

Sera September 2008, e a Brother Sanderson a mlo er a School for Branch Committee Members e a uriul e ngmiltutk el mo chedal a Branch Committee er a Huriping. Sera September 2010, e te ullengit er ngii me nglmuut el mo er a Merikel, e milsiou el olengeseu er a Service Committee er a Chelechad er a Ruungerachel.