PEꞌLA 46
¿Kĩh yũuçxa dedicaĩna bautisãywaꞌj jiꞌphguigk?
Jeuwaꞌs dedicaĩyaꞌwaçxawa Jeuwa yakh puutx weꞌwne, bagaçxtewa idxna txãa selpiina jĩna weꞌwe. Txãꞌw yũuçxa yaꞌbautisaĩnçxa vxitetx kaavxaꞌjaꞌ Dxusna selpiina ũsçxa (Salmo 40:8). Jeuwaꞌs dedicaĩnisayuꞌ wala jxthuhthesana, txãꞌw txhitxhnisayuꞌ meh jxthuhthesana. Txãa wejx yuhwa ĩtxi fxiꞌzeniꞌs yuꞌptheꞌjena. Txãꞌw yũuwaꞌyuꞌ idxaꞌs, ¿kĩh puꞌçxhiꞌk?
1. ¿Kĩh yũuçxakxthaꞌw Jeuwaꞌs dedicaĩ wẽje?
Jeuwaꞌs peeykãhçxa dedicaĩthaꞌw (1 Juan 4:10, 19). Dxus yuweyuꞌ naꞌjĩk: “Txãꞌsaꞌ ũusuh jxuka yajkxçxa txãa yuuçxaana selpiina fxiꞌzewaꞌjaꞌ bagaçxte yuhwa txutemee uu entepkaçx” (Markos 12:30). Nawa peeykãhçxa, txaꞌwẽy kaavxaꞌjaꞌthaꞌw kĩh weꞌwçxawa vxiteꞌ kĩh yahkxçxawa. Teeçx piçthẽꞌj uꞌy yakh wala wẽdxçxa ptaamuuneꞌta, txaꞌwẽy ĩtxi fxiꞌzeniꞌs Jeuwa wala peeykãhçxa dedicaĩçxa yaꞌbautisaĩthaꞌw.
2. ¿Bautisãysatxiꞌsyuꞌ Jeuwayuꞌ kĩh kik ewsa peesuꞌ?
Idxaꞌ yaꞌbautisaĩçxayuꞌ Jeuwa yakh yat nweꞌsx yũuneꞌga, txaꞌwẽy seena weçxawaꞌj jiꞌphneꞌga (lẽeywe Malaquías 3:16-18). Txãaweꞌsxyuꞌ Dxusna weçxan ũsyã, idxaꞌswa txaꞌwẽy wẽdxna. Yaꞌbautisaĩ wẽeçxa naꞌw yũuwaꞌj jiꞌphneꞌga: Jeuwan peeykãhna, Jesusna ew jiyun. Nmehteyuꞌ Jeuwa yakh weꞌwçxa idx ĩtxi fxiꞌzeniꞌs dedicaĩwaꞌj jiꞌphuneꞌga, txãꞌw yũuçxa yaꞌbautisãyneꞌga kĩhçxa bagaçxtewa ĩtxi fxiꞌzewaꞌjaꞌs jiꞌphuneꞌga (lẽeywe Markos 10:29, 30). Dxus eçyuꞌ naꞌjĩꞌk: Yaꞌbautisãyte kweꞌsxtxiꞌs nweꞌwena (1 Pedro 3:21).
WEJXKWEÇXA PIYAN UꞌJWEKA
Theguka: Jeuwaꞌs dedicaĩçxa txaꞌwẽy yaꞌbautisãyte wala jxthuhthesana.
3. Jxukasay txhitxhwaꞌj jiꞌphnetkhaꞌw kimna selpii wẽeçxawa
Nyaafxtey maii israelitaweꞌsxyuꞌ naꞌwneꞌta yaatxi. Jeuwaꞌs weçxan txaꞌwẽy vxite dxustxis selpiite ewna sũhuꞌneꞌta nawa txãꞌw yaatxniyuꞌ ewmeeneyuꞌ. Jeuwayuꞌ Eliasaꞌs jxkaahne israelitaweꞌsxtxiꞌs yuꞌkxpejxaꞌ. Lẽeywe 1 Reyes 18:21, txajuꞌ naa paapẽynisatxis paswe:
¿Israelitaweꞌsxyuꞌ kĩh kitx txhitxhwaꞌj jiꞌphuꞌ?
Israelitaweꞌsx naꞌwẽy kweꞌsxwa txhitxhwaꞌj jiꞌphnetkhaꞌw kimnaꞌs selpii wẽeçxawa. Lẽeywe Lukas 16:13, txajuꞌ naa paapẽynisatxis paswe:
¿Kĩh yũuçxa Jeuwançxa selpiwaꞌj jiꞌphkxthaꞌw vxite dxusna selpimee?
¿Jeuwaꞌsçxa weçxa wẽeçxa kĩh yũuwaꞌj jiꞌphkxthaꞌw?
4. Myahkx Jeuwayuꞌ maꞌw kik idxaꞌs wala wẽdxi
Jeuwayuꞌ kweꞌsxtxiꞌs wala paꞌkasa peesne, ¿kweꞌsxyuꞌ kĩh peesukxthaꞌw? Txãa VIDEUꞌS thegwe.
¿Jeuwa txãjx peeykãhniꞌs idxaꞌs maꞌwka kaavxaꞌjaꞌ? Lẽeywe Salmo 104:14, 15 vxiteꞌ 1 Juan 4:9, 10, txajuꞌ naa paapẽynisatxis paswe:
Jeuwa jxuka peesne, ¿idxaꞌ maasga wejxkwe weçxa?
¿Jeuwayuꞌ kĩjkĩhwa peeste idxyuꞌ maꞌwga yaatxi Jeuwate?
Teeçx nasa kweꞌsxtxiꞌs wala zxiçxkwesa peeste, kweꞌsxyuꞌ wala weçxathaꞌw. Lẽeywe Deuteronomio 16:17, txajuꞌ naa paapẽynisatxis paswe:
Jeuwa jxuka peeste, ¿idxyuꞌ kĩh peesuguigk?
5. Dedicacionyuꞌ vxitxaꞌs phadene bendiconaꞌs jxpaꞌkawaꞌj
Nasayuꞌ naa sũhuꞌneꞌta universidadte uꞌjçxa, wala piyaçxa vxu wala knayũu naꞌw sũhuꞌneta. Saꞌ txãayuꞌ vxu wala jiꞌphçxa, wala yaꞌweçxana sũhuꞌneꞌta. Nawa txãꞌw yaatxni, ¿isayumanx? Txãa VIDEUꞌS thegwe, txajuꞌ naa paapẽynisatxis paswe:
Teeçx piçthẽꞌj pelota pweesaꞌjyaꞌ wala wẽdxine, nawa ¿kĩh yũuçxaka txãa pelota pweesaꞌjwaꞌjaꞌs nvxiht?
Pelota pweesaꞌjnisaꞌs nvxihtçxayuꞌ txãjx ĩtxi fxiꞌzeniꞌs Jeuwane selpiiyã txhitxh txãꞌw txhitxhnisa ¿ew yũumanx?, ¿kĩh yũuçxa?
Pablo cristiano yũumeyçxayuꞌ wala piyasaa yũune judioweꞌsx yakh piyasaꞌkyuꞌ saꞌ meh jiyune, nawa txãa piyaniꞌs jxuka eꞌsu nvxihtku, ¿nxusumaꞌk nvxihtçxa? Lẽeywe Fxilipenses 3:8, txajuꞌ naa paapẽynisatxis paswe:
Pablo cristiano yũumey piyaniꞌsyuꞌ kxtãꞌ naꞌw selpiimeesaꞌkyuꞌ jĩnku weꞌwe, ¿kĩh yũuçxa kik txãꞌw weꞌwe?
¿Pabloyuꞌ kxtãꞌs eꞌsu nvxihtçxa kĩhka knay?
Jeuwaçxan selpiite wejxkwe ewna, ¿kĩh yũuçxa?
Pablo cristiano yũuçxa wejx wala thaakwene knãy.
MAII NASAWEꞌSXA NAꞌJĨTX: “Ĩtxi fxiꞌzeniꞌs Dxusna dedicaĩte kĩh yuhwa selpiimeena jĩneꞌta”.
¿Nasaweꞌsx weꞌwnisa isayumanx?, ¿kĩh yũuçxaga txãꞌw yaatxi?
¿AYTE PAꞌJ KĨHKXTHAꞌW PIYA?
Jeuwaꞌs wala peeykãhçxathaꞌw dedicaĩna kiꞌ yaꞌbautisaĩ.
¿Kĩh pasuguigk?
¿Jeuwaꞌs kĩh yũuçxa peeykãhwaꞌj jiꞌphguigk?
¿Yaꞌbautisãysatxiꞌsyuꞌ Jeuwayuꞌ kĩh kik ewsa peesuꞌ?
¿Dxusaꞌs dedicaĩ wẽjega?
WEJXKWE PIYAYA ÃJANEGA
Theguka, maꞌw yũuçxa kitx jeꞌz nasa Jeuwan txãaweꞌsx ĩtxi fxiꞌzeniꞌs dedicaĩ.
Piçtakxweꞌsx paapẽyni- satxiꞌs... ¿Kĩh yũukith adx ĩtxi fxiꞌzenisa yakh? Eꞌsu thegte (6:54)
Leẽywe, ¿kĩh yũuçxa Jeuwaꞌs dedicaĩwaꞌj jiꞌphkxthaꞌw?
“¿Kĩh yũuçxa Jeuwaꞌs dedicaĩwaꞌj jiꞌphkxthaꞌw?” (Ptaꞌsxnĩ, enero 15te, 2010)
Naa videuꞌs thegçxa uyuuneꞌga, Dxusna selpiisa wãtneꞌta fxiꞌze Dxusaꞌs dedicaĩçxa.
Teeçx uꞌy txãjx fxiꞌzeniꞌs maꞌw kik yuꞌptheꞌj, paapẽyne: ¿kĩh yũuçxa naa kiwete ũskxthaꞌw? Jiyu wẽeçxa naa peꞌlaꞌs meen leẽy.
“Dxus yuwe txãjx fxiꞌzeniꞌs yuꞌptheꞌjne” (Ptaꞌsxnĩ, 1 noviembre, 2012te)