Wetin We Go Do If We Want Make God Happy?

No put hand for bad thing. 1 Corinthians 6:9, 10

If we love Jehovah, we no go do wetin e no like.

Jehovah no want make we dey thief, make we dey drink too much or make we dey smoke cigar, smoke igbo or even take snuff.

Na bad thing to kill or comot belle. E still be bad thing for man to dey sleep with man or for woman to dey sleep with woman, because God hate am. Jehovah no want make we dey put eye for wetin no be our own and e no want make we dey fight.

E no good to dey do juju. Na only Jehovah you go worship, make you no worship any other thing.

Bad people no go enter Paradise.

Dey do wetin good. Matthew 7:12

If we want make God happy with us, we must try to dey do like am.

To show sey we love people, we go dey do wetin go make dem happy.

Make we dey talk true.

Make you dey forgive.

Tell people the kind person wey Jehovah be.—Isaiah 43:10.