PART 14

How You Go Really Show Sey You Dey Jehovah Side?

Make you dey God side. 1 Peter 5:6-9

One Christian no gree join fake religion and politics

No follow people do wetin dem dey do wey no dey inside Bible. Na true sey e hard, but you must get strong mind to do am.

Make you no put hand for politics matter because e no dey support Jehovah and im Kingdom.

Choose wetin go make your life better—hear wetin God talk. Matthew 7:24, 25

One man go meeting for Kingdom Hall, and Jehovah Witness dey study Bible with am

If you follow Jehovah Witness people, dem go help you near God.

No stop to learn about God and make you dey do wetin you dey learn.

One man dey tell Jehovah for prayer sey e want use all im life serve am, and after e baptize

When you don really believe wetin you dey learn, make you tell God for prayer sey you want serve am, make you come baptize.—Matthew 28:19.

Hear wetin God talk. Read Bible, tell Jehovah Witness people make dem help you sabi wetin you read for Bible. Make you dey do wetin you learn for Bible. If you do am, you go enjoy life wey no go end.—Psalm 37:29.