Make Love Be Part of Our Character

1. Jehovah God, we dey pray to you.

We want get good character like you.

The one wey make us come pray today,

Na love wey you dey show ev’ry day.

Our God, give us your holy spirit.

Na im go help us show love like you.

E fit help us make our love dey grow.

When we get love, e go always show.

2. Na love go make us get open heart.

Na love go help us dey do our part.

And when things happen wey make us vex,

Since we be people wey God don bless,

We go bear am because we believe

Sey love, when e strong, dey fit forgive.

As we dey show love, remember sey

Love fit endure and e no dey fail.