Invite People Come Convention

Every year, e dey be like sey mek convention come quick quick because of the better better things wey we dey enjoy for there. We go invite many many people mek dem come join us for the convention, mek dem fit see sey Jehovah good true true. (Ps 34:⁠8) The elders wey dey congregation go talk as dem go take share the invitation mek e fit reach many many people hand.

THINGS WEY WE GO PUT FOR MIND

• Which time be my convention?

• Which day my congregation go start to dey give people the invitation?

• Which day we dey gather to go preach for my congregation?

• Wetin I get for mind to do when we start to dey give people the invitation?

• Which person I get for mind to invite?

WETIN YOU GO TALK?

After you greet the person finish, you fit talk sey:

‘We dey share this invitation give people for the whole world. Wetin we want do dey important well well. We don write the day, the time and the place wey we go do am inside this invitation. We go happy if you come.’

HOW WE GO FIT HELP PEOPLE WEY LIKE WETIN WE DEY PREACH MEK DEM CONTINUE TO DEY LEARN?

As we dey invite many many people come our convention, e good mek we ready to help the people wey like wetin we dey preach mek dem fit continue to dey learn.

You fit give people magazine join the invitation wey you dey give dem for weekend.