Wetin we go do to make how we dey preach better​—Help Bible Student Make Dem Give Their Life to Jehovah and Baptize

WHY E GOOD: Bible student must first give Jehovah their life and baptize, na this one go make dem be Jehovah friend. (1Pe 3:21) And Jehovah go protect anybody wey continue to live im life as e take promise am before e baptize. (Ps 91:1, 2) Na Jehovah we go give our life—no be person, work or company. So Bible student need to learn how to love Jehovah and continue to show sey dem like everything wey e dey do for dem.—Ro 14:7, 8.

HOW YOU GO DO AM:

• As una dey study, make una talk about wetin the book tell us about Jehovah. Tell am many times why e good to dey read Bible everyday and pray to Jehovah ‘everytime.’—1Th 5:17; Jas 4:8

• Try advice your Bible student make e set target to give Jehovah im life and baptize. Still help am reach other target, like to dey answer question for meeting, or to dey preach for people wey e meet. Remember sey Jehovah no dey force anybody to come serve am. Na person go decide by imself to give Jehovah im life.—De 30:19, 20

• Try help your student make e do wetin Jehovah want so that e go fit qualify to baptize. (Pr 27:11) Because some kind things wey person dey do fit hard to change, Bible student fit need plenty help to change im life to better one. (Eph 4:22-24) Show am some topic under “The Bible Changes Lives” for our Watchtower

• Tell am the better things wey dey make you happy as you dey serve Jehovah.—Isa 48:17, 18