How Your Faith for the Things Wey Jehovah Promise Strong Reach?

Joshua and Solomon for Bible talk sey everything wey Jehovah promise happen, no one remain. (Jos 23:14; 1Ki 8:56) Wetin this two people talk still give us better reason to get strong faith for anything wey Jehovah promise.​—2Co 13:1; Tit 1:2.

But how Jehovah take do wetin e promise for Joshua time? Abeg make you and your family watch this video: ‘Not One Word Has Failed.’ After, make una answer all this question: (1) How you go take copy the kind faith wey Rahab get? (Heb 11:31; Jas 2:24-26) (2) How wetin happen to Achan take show sey, to open eye do wetin Jehovah sey make we no do dey cause serious wahala? (3) Even though sey Gibeon people sabi fight war, why dem deceive Joshua and make agreement of peace with Israel people? (4) How wetin Jehovah tell Joshua take happen when five king for Canaan join hand together to fight Gibeon people? (Jos 10:5-14) (5) How Jehovah don take help you as you dey put im Kingdom and wetin e want first for your life?​—Mt 6:33.

If we dey think about wetin Jehovah don do, wetin e dey do now, and wetin e go do for front, e go make our faith for wetin e don promise strong well well.​—Ro 8:31, 32.