How to Behave Well for Preaching

As Jehovah servant, people dey put eye for our body well well. (1Co 4:9) So when we go preach, make e no surprise us if some of dem dey watch us from their window, or put ear for wetin we dey talk even when dem no come out. Some house get camera. Some still get wetin the owner of the house fit take hear wetin we dey talk or even record am. So how we go take dey behave well for preaching?​—2Co 6:3.

WITH WETIN YOU DEY DO (Php 1:27):

• No look inside the house to check if person dey when nobody come out. No chop or drink anything when you don near the door. No make call or dey press phone when you want preach to person

WITH WETIN YOU DEY TALK (Eph 4:29):

• When you don near the door, no talk anything wey you no want make people wey dey the house hear. Some brothers and sisters don see sey e better to leave wetin dem dey talk about, so that dem fit put mind for wetin dem want preach

Which other way you fit show sey you dey behave well for preaching?