SONG 148
Jehovah Dey Save Im People
(2 Samuel 22:1-8)
1. Jehovah God, no other God fit be like you.
Everything wey you do,
show sey na you fit rule.
Na only you get power.
You dey my side, I no fear,
I know sey you dey care.
(CHORUS)
Jehovah dey save people wey no leave am.
Make we tell people sey Jehovah really strong.
Na the True God wey make everything.
Trust am, praise am,
and no leave am.
Na im fit save us and give us life.
2. Sometimes my plenty problem fit make me dey cry.
Water fit full my eye.
My pocket fit don dry.
Jehovah na only you
go fit help me, hold my hand,
Save me abeg, my God.
(CHORUS)
Jehovah dey save people wey no leave am.
Make we tell people sey Jehovah really strong.
Na the True God wey make everything.
Trust am, praise am,
and no leave am.
Na im fit save us and give us life.
3. I go serve you with
all my heart Jehovah God.
Na you be the True God.
I go dey read your Word.
Your enemy go fear you.
You go destroy all of dem.
But we go dey enjoy.
(CHORUS)
Jehovah dey save people wey no leave am.
Make we tell people sey Jehovah really strong.
Na the True God wey make everything.
Trust am, praise am,
and no leave am.
Na im fit save us and give us life.
(Still check Ps. 18:1, 2; 144:1, 2.)