You Still Remember?

You don take time read the Watchtower wey never tey wey we print? See whether you fit answer all this question:

Which four things we fit do to help us sing well?

We fit stand well. Wetin go help us na to hold our songbook go up. Make we breath well. When we open our mouth well and we sing come out, our voice go loud.​—w17.11, p. 5.

For Israel, wetin dey good about the road and the place wey they build the city wey person fit run go, if e kill somebody by mistake?

Na six city them build for the land. Them de maintain the road wey them de pass go the city. E no go hard anybody to quick run reach there, if e kill person by mistake.​—w17.11, p. 14.

Why the ransom wey God give us through Jesus Christ be the best gift wey they fit give person?

We no want die and we want dey free from sin and death. Na only the ransom fit help us get all this one. Because God love us, e send Jesus come die for us because we be sinners.​—wp17.6, pp. 6-7.

Wetin Psalm 118:22 talk about Jesus resurrection?

They no want Jesus the Messiah, and they kill Jesus. But God bring Jesus come life again so that e go be “the main stone for the corner of the building.”​—w17.12, pp. 9-10.

Person must be firstborn, or get firstborn right before the Messiah come from e family?

Sometimes, the family wey the Messiah pass come na firstborn. But no be everytime e happen like that. David wey e be Jesse pikin no be firstborn. But na David family the Messiah come from.​—w17.12, pp. 14-15.

Wetin be some things for Bible wey they fit guide person about how to care for our body?

For the Law, them de keep person wey e get some kind sickness far from other people. People go wash theirself after they touch dead body. The Law talk say make the people no troway shit anyhow. When they born pikin, they go need to circumcise the pikin when eight days reach. This one good because this time, wound de cover quick.​—wp18.1, p. 7.

Why e no bad make Christian love e self?

Make we love our neighbor as we love ourself. (Mark 12:31) Husband go “love their wife as them take love their body.” (Eph. 5:28) But, if we no dey careful, we fit begin love ourself too much.​—w18.01, p. 23.

Wetin be some things wey we fit do make we de near God more-more?

Make we de study Bible and take time think about wetin we study. Then we go de do wetin we learn. We go still de allow God spirit direct our heart and mind. And we go de take people their advice and show say we value-am.​—w18.02, p. 26.

Why astrology and fortune-telling no fit help person know wetin go happen for future?

Plenty reasons dey. But the main reason be say, Bible condemn the two.​—wp18.2, pp. 4-5.

Wetin we suppose do when person invite us come e house come chop?

If person invite us and we agree to go, make we no change mind unless serious thing happen. (Ps. 15:4) The person wey e invite us fit don work hard to prepare wetin we go chop.​—w18.03, p. 18.

Wetin elders and ministerial servants fit learn from Timothy?

Timothy really care for people, and the preaching work na number one thing for Timothy. E really do God work and e follow wetin e learn. E continue to train e self and e trust Jehovah to help-am with e spirit. Elders and other people fit copy Timothy example.​—w18.04, pp. 13-14.