Different Different Way Wey You Fit Use JW Library

FOR STUDY:

• Read Bible and daily text

• Read Yearbook and other publication. Use wetin dem dey call bookmark to mark where you stop, mek you fit see am quick quick another time

• Ready for meeting, and mark your answer

• Watch different video

FOR MEETING:

• Open Bible for inside JW Library if dem dey read bible for meeting. Use the place wey dem write ‘history’ go any verse wey you don read before

• Instead of to dey carry many many book come meeting, use your phone or small computer for the different part and to sing song. JW Library get new song wey never dey our songbook

FOR PREACHING:

• Show person wey want listen something for JW Library, and still help am download the app and other book for im own phone or small computer

• Use the place wey dem write ‘search’ to find Bible verse. If the word wey you dey find no dey for New World Translation, change to Reference Bible and find am again

• Show video. If who you dey preach for get children, you fit play one Mek You Be Jehovah Friend video. Or you fit play the video Why E Good Mek We Learn Bible? to mek am listen. If the person dey speak another language, show am video for im own language

• Show person Bible verse for another language wey you don download before. Just go the Bible verse wey you want read, press am, e go show you other Bible translation for that verse