Wetin We Go Do to Make How We Dey Preach Better—Encourage People Wey Like Wetin We Dey Preach to Dey Come Meeting

WHY E GOOD: For our meeting, we dey always get chance to ‘sing to Jehovah’ and ‘praise am.’ (Ps 149:1) For there, we dey learn how we go fit do wetin God want. (Ps 143:10) If our Bible student and people wey like our message dey come meeting, e go help dem change the way dem dey live their life so that dem go fit serve God well.

HOW YOU GO DO AM:

• You no suppose wait until you start Bible study before you go invite person come meeting. Invite am quick quick.​—Re 22:17

• 

  Tell the person wetin e go see when e come our meeting and tell am wetin dem go talk about for the next meeting. If you want invite person come our meeting, you fit use: our meeting invitation, the video Wetin Dey Happen for Our Kingdom Hall?, and lesson 5 and 7 for our Wetin Jehovah Want brochure

• 

  Abeg, help am. You go fit arrange to carry am come meeting or to help am choose the kind cloth wey e go wear come meeting? Sitdown near am for meeting, and share your book with am. Show am other brothers and sisters and tell am their name