Wetin We Go Do To Make How We Dey Preach Better—Dey Touch People Mind With “Keep Yourselves in God’s Love” Book

WHY E GOOD: People must learn wetin Jehovah like and do am so that e go accept their worship. (Isa 2:​3, 4) “God’s Love” book na the second book wey we dey use do Bible study. E dey help Bible student know how the advice wey dey Bible go take help am everyday for im life. (Heb 5:14) We must do our best to make sure sey we touch their mind, so that dem go really see why e good make dem change some things for their life.​—⁠Ro 6:⁠17.

HOW YOU GO DO AM:

• Prepare well and think of how you go fit help your student. Ask am different different question wey go make am talk wetin dey im mind and wetin e think about the things wey e dey learn.—Pr 20:5; be 259

• Use all the box wey dey the book take help your student see why e good to follow the advice wey dey Bible

• Help your student think of how e go take choose the correct thing to do, but no choose for am.—Ga 6:5

• Use sense take see whether your student need help to fit follow some advice wey dey Bible. Sofri encourage am make e change some kind way e take dey do things to show sey e really love Jehovah.—Pr 27:11; Joh 14:⁠31