Du kaust fa emma oppe Ieed läwen!
Dit Heft es jeschräwen worden, om die to halpen, uttofinjen, wäa de Ieed un aules, waut doabowen es, jemoakt haft. Du woascht kjanen lieren, daut Gott, dee de Ieed jemoakt haft, eenen Nomen haft. Hia bennen woat uk erkjläat, wuarom Gott de Menschen jemoakt haft, un woo du fa emma oppe Ieed läwen kaust.
Wie wenschen, daut die de väle Bilda halpen woaren, daut du die aules bäta väastalen kaust. Om dän jratsten Nutzen to haben, rod wie die too, de Bibeltakjsten notoläsen, dee bie de mieeschte Bilda aunjejäft sent. Soo kaust du fa die selfst eenje von de goode Vespräakjen noläsen, dee Gott ons en de Bibel jeft, uk waut hee sajcht, waut du doonen saust, om de Erfellunk von dise Vespräakjen to beläwen.
Du west veleicht met dit Heft uk aundre Menschen halpen. Wan du Kjinja hast, kaust du an met dit Heft halpen, mea äwa Gott to lieren. Wan en dien Launt väle Menschen nich läsen kjennen, kaust du de Bilda brucken, om an to halpen, Gott sien Väanämen to vestonen. Soo kjennen see dan uk aundre Menschen halpen.
Wie hopen sea, daut die daut Studieren von dit Heft daut mäajlich moakt, väle Säajnungen to kjrieen, un daut du uk aundre wiesen kaust, woo see fa emma oppe Ieed läwen kjennen.