Schoolheft fa Läwen un Deenst – 2025 | Juli

28. JULI – 3. AUGUST

SPRICHA 24

Leet 38 un Jebäd | Aunfangswieed (1 Min.)

WIEETVOLLET UT GOTT SIEN WUAT

1. Moak die fa schwoare Loagen reed

(10 Min.)

Nemm too aun Erkjantnis un Weisheit (Spr 24:5; w23.07 18 V. 15).

Hool die wieda aun diene jeistelje Jewanheiten, mau rajcht wan du mootloos best (Spr 24:10, NW; w24.01 23 V. 9).

Em Jeisteljen stoakj sennen woat ons halpen, met schwoare Loagen foadich to woaren (Spr 24:16; w20.12 15 V. 1-7).

Eene Sesta, waut eene schlemme Krankheit haft, deit schaftich met äare Frind toop von Hus to Hus prädjen. See wiest eene Fru waut opp äa Tablet.

2. No Wieetvollet sieekjen

(10 Min.)

Spr 24:27 – Waut well dis Varsch ons lieren? (lv 116 V. 13-15)

Diene Auntwuat
Waut fa Wieetvollet hast du noch en daut Bibelläsen fa dise Wäakj jefungen?

Diene Auntwuat

3. Bibelläsunk

(4 Min.) Apj 27:1-12 (th Poat 5)

ONS WIEDA EM DEENST VEBÄTREN

4. Eene Vetal aunfangen

(2 Min.) OPP JELÄAJENHEIT PRÄDJEN. De Vetal hieet opp, ea du dänjanjen prädjen kaust. (lmd 2. Kap. Num. 4)

5. Eene Vetal aunfangen

(3 Min.) VON HUS TO HUS PRÄDJEN. (lmd 3. Kap. Num. 4)

6. Eene Vetal aunfangen

(3 Min.) DOA PRÄDJEN, WUA MENSCHEN HANKOMEN. Räd met de Persoon doaräwa, woo wie met de Menschen de Bibel studieren, un jeff dän een JW.ORG-Koatje toom de Bibel studieren. (lmd 4. Kap. Num. 3)

7. Eene Räd

(3 Min.) lmd Aunhank A Num. 11 – Teema: Gott rät to ons derch de Schreft. (th Poat 6)

ONS CHRISTELJET LÄWEN

Leet 99

8. Halpt junt unjarenaunda en schwoare Loagen

(15 Min.) Eene Räd met waut Froagen.

Doa kaun haustich eene schlemme Krankheit utbräakjen, daut kaun een Owwada ooda Kjrich jäwen ooda doa kaun Vefoljunk ooda Orru em Launt sennen. Wan doa soone schwoare Loagen oppkomen, halpen onse Breeda un Sestren sikj unjarenaunda un spräakjen sikj Moot too. Wan wie doa selfst uk nich von betroffen sent, doo wie oba met onse Gloowesbreeda metlieden un doonen ons Bastet, om dee to halpen (1Ko 12:25-26).

Miere Bilda: Breeda un Sestren halpen äare Gloowesbreeda opp veschiedne Wäaj. 1. Breeda un Sestren buen wada een Vesaumlungshus opp, waut von een Owwada doljebroaken wia. 2. Breeda un Sestren nämen eene Mutta un äare Dochta leeftolich opp, waut von äa Tus veloten musten. 3. Eene Sesta lajcht waut en een Gowenkausten en em Vesaumlungshus. 4. Breeda un Sestren jäwen äare Gloowesbreeda needje Sachen biem Vesaumlungshus. 5. Friewelje Breeda jäwen aundre Paks met Budlen Wota. 6. Een Brooda bät.

Läs 1. Kjennichs 13:6 un Jakobus 5:16b. Dan froag de Toohiera:

Wuarom kaun daut väl doonen, wan Jehowa siene Deena fa aundre bäden?

Diene Auntwuat

Läs Markus 12:42-44 un 2. Korinta 8:1-4. Dan froag de Toohiera:

Wuarom sell wie doawäajen waut fa daut Weltwiede Woakj jäwen, om soone Breeda to halpen, waut daut needich fält, wan wie daut uk nich riew haben?

Diene Auntwuat

Wies daut VIDEO De Breeda stoakjen, wan ons Woakj veboden es. Dan froag de Toohiera:

Waut deeden de Breeda ut Leew, om äare Gloowesbreeda en soone Lenda en Oost-Europa to halpen, wua ons Woakj veboden wia?

Diene Auntwuat
Woo kjeemen de Breeda dän Rot en Hebräa 10:24-25 no, aus ons Woakj doa veboden wia?

Diene Auntwuat