Kapitel 13

Zaubarie un Hakjsarie sent schlajcht

Soton well, daut du Zaubarie drifst. Väle brinjen Opfa fa äare Väafoaren ooda fa Jeista, om sikj fa Schoden to bewoaren. Daut doonen see, wiels see ferchten de Jeista äare Macht. See brucken Rinj ooda Benja, waut met Zaubarie to doonen haben. See jleewen, daut jewesse „Meddel“ Zaubakrauft haben, un doawäajen drinkjen see daut ooda schmäaren sikj doamet en. En äa Hus ooda en de Ieed vestäakjen eenje Menschen Sachen, waut an derch Zaubakrauft beschitzen sellen. Aundre brucken „Zaubameddel“, wiels see jleewen, daut woat an Jlekj brinjen bie de Oabeit, em Haundel driewen, enne School ooda wan see sikj befrieen wellen.

Dien basta Schutz fa Soton es, Jehova toom Frint to haben. Jehova Gott un siene Enjel sent väl majchtja aus Soton un siene beese Jeista (Jakobus 2:19; Openboarunk 12:9). Jehova brukt siene Krauft von Hoaten jieren fa siene Frind — dee, waut sikj gaunz truhoatich aun am hoolen (2. Chronik 16:9).

Gott sien Wuat sajcht: ‘Jie sellen nich Zaubarie driewen’. Jehova veuadeelt Zaubarie un Hakjsarie, wiels dise Haundlungen kjennen eenem fuaz unja Soton, dän Diewel, siene Macht brinjen (3. Mose 19:26).