Wie schaufen met Freid bie de Arnt met

1. Wie läwen vondoag en de Arnttiet,

de Weit oppe Stapen es riep.

Daut fält nu aun iewaje Helpa;

wie sent aula wellich doabie.

Wie nämen ons Jesus toom Väabilt;

hee leit ons em Prädichtwoakj aun.

Wie feel’n ons jeieet, daut wie halpen kjenn’.

Met Freid go wie flietich doa naun.

2. De Leew fa Jehova un Menschen

es daut, waut ons Krauft jeft un drift.

Daut prädjen un lieren es drinjent,

wiels aul nich väl Tiet doafäa blift.

Wie seen’, woo Jehova ons säajent

un woo hee daut Woakj unjastett.

Wie loten nich no, bat daut foadich es,

un oabeiden froo met am met.