Vejäwunk ver daut Leesjelt

Wie kjennen bloos derch Jesus sien Leesjelt Sinden-Vejäwunk kjrieen, waut hee met sien Bloot betold (Efs. 1:7). Oba de Bibel sajcht: “[Gott] wia jeduldich un vejeef de Sinden von de Vegonenheit”; daut meent, dee Sinden, ea Jesus sien Leesjelt jeef (Reem. 3:25). Woo kunn Jehowa de Sinden von ea vejäwen un sikj doawäajen noch aun siene Jerajchtichkjeit hoolen?

Jehowa vespruak eenen “Nokomen”, waut aul dee raden wudd, waut eenen Gloowen aun am hauden un uk aun daut, waut hee vesproaken haud. Aus hee daut Vespräakjen muak, wia daut fa am soo, aus wan dit Leesjelt aul betolt wia (1. Mo. 3:15; 22:18). Gott wia sikj hundat Prozent secha, daut sien eensich jemoakta Sän wudd reed sennen, daut Leesjelt to jäwen, wan daut ieescht wudd de rajchte Tiet doafäa sennen (Gal. 4:4; Heb. 10:7-10). Aus Jesus oppe Ieed wia, jeef Jehowa am de Macht, aundre de Sinden to vejäwen, ea hee daut Leesjelt jejäft haud. Jesus kunn daut, wiels hee wist, daut sien Leesjelt, waut hee jäwen wudd, de Sinden gaunz toodakjen wudd (Mat. 9:2-6).