Bruck dän Spieejel rajcht

De Jinja Jakobus vejlikjt de Schreft met eenen Spieejel, wua wie seenen kjennen, woo ons ennalich lat (Jak. 1:​22-25). Woo kjenn wie dän Spieejel, aulsoo de Bibel, rajcht brucken?

Läs dee oppmoakjsom. Wan wie ons bloos bosich em Spieejel beseenen, dan see wie daut veleicht nich, aus doa waut aun ons orrajcht lat. Woo kjenn wie weeten, aus wie waut endren motten? Wie motten krakjt en Gott sien Wuat nennkjikjen, doaderch daut wie daut oppmoakjsom läsen.

Kjikj dolla no die selfst aus no aundre. Wan du dän Spieejel scheef helst, kaust du daut seenen, waut bie aundre nich rajcht lat. Krakjt soo kunn wie de Bibel brucken, om aundre äare Fäla to seenen. Oba derch dit woaren onse ieejne Fäla nich bäta woaren.

Sie utjejlikjt. Wan wie bloos no onse Fäla kjikjen, dan kjenn wie mootloos woaren. Woo kjenn wie utjejlikjt sennen, wan wie Gott sien Wuat läsen? Wie sellen nich mea von ons selfst velangen, aus Jehowa deit (Psa. 103:14).